Otru añu más, el pasu de La Vuelta peles carreteres asturianes nun trae consigo’l respetu a los topónimos oficiales, énte la pasividá del Gobiernu. La ronda ciclista sí utiliza nel so percorríu los nomes de llugar oficiales n’eusquera y gallegu.
L’espertu en Prehistoria Marco de la Rasilla esplicó al públicu qu’enllenó la sala d’actos del Atenéu Obreru de Xixón tolos detalles sobre’l xacimientu de Sidrón y los trece neandertales atopaos nél. Foi na charra mensual entamada por Ástura.
Queda poco más d’un mes pa les eleiciones al Parllamentu Européu, una cita coles urnes na que los llectores d’Asturies nun tienen puestes munches esperances. Sicasí, un 68 por cientu piensa dir a votar el 25 de mayu.
Les enmiendes de Foro y IX sobre la presencia del idioma na RTPA son bien recibíes pola XDLA. El coleutivu cívicu demanda a tol arcu parllamentariu una posición común qu’afite al ente "como ferramienta de normalización social del asturianu".
Un ataque de Justo Vilabrille al Festival Arcu Atlánticu y a L’Arribada, por supuestu tratu de favor, llevó a l’asociación cultural a asoleyar un comunicáu de respuesta a los bilordios del edil. Nél condena l’actitú “antiasturiana” del socialista.
La RTPA ha de contribuyir al procesu de normalización y propiciar la creación d’una industria audiovisual, apunta Foro na enmienda que presenta a la llei de reforma del sector públicu. IX quier una presencia mínima del 30 por cientu.
Los trabayadores de Monroe ganen la so llucha: Tenneco nun se pieslla. El comisariu d’Industria y Emprendimientu y vicepresidente de la Comisión Europea, Antonio Tajani, anunció la decisión de la empresa de caltener l'actividá.
El Gobiernu estatal ha de responder en feches próximes trés entrugues plantegaes por Andecha Astur sobre la decisión de la OLAF de reclamar 198 millones n’ayudes pola ampliación d’El Musel. El vascu Rafael Larreina encargóse de treslladales.
Xune Elipe va encargase de conducir un espaciu nuevu n’asturianu na RPA. ‘Qué facer. Informativu d’ociu y tiempu llibre n’Asturies’ va proponer tolos xueves, de 12.30 a 13 hores, planes y actividaes de cara a la fin de selmana.
