Les primeres hores de votación trescurren ensin incidencies, según informa Interior. 412 millones de ciudadanos tán llamaos a votar nestes eleiciones europees –dende’l vienres n’otros estaos–, de los que 990.687 son asturianos.
Esti domingu ye xornada d’eleiciones. Los ciudadanos del Estáu escueyen a los sos 54 representante pa los cinco años siguientes nel Parllamentu Européu y n’Asturies.com vamos ufrir tola infomación d’esta cita nel nuesu especial y en Twitter.
El 25 de mayu del 1808, la Xunta Xeneral proclamóse soberana rebelándose contra les tropes franceses de Napoleón qu’invadieren el país. Ensin conmemoración institucional nenguna, la celebración coincide esti añu coles Europees.
L’artesanu gaiteru Alberto Fernández Velasco yá tien un sitiu destacáu nel Muséu de la Gaita del Pueblu d’Asturies. El recintu museísticu acoyó esti vienres un actu homenaxe nel que participaron autoridaes, familiares y amigos.
L’autor uviedín Xosé Bolado resultó escoyíu pol xuráu convocáu pola Asociación Cultural L’Arribada como merecedor del VIII Premiu Timón pa escritores n’asturianu y eonaviego. Ésti va entregase’l 27 de setiembre mientres la Vagamar.
L’Audiencia Nacional dio la razón al Gobiernu d’Asturies y desestimó’l recursu del Executivu estatal sobre'l pagu de 213 millones d’euros adeudaos de los convenios del 2011 de los fondos mineros. Tovía tán en pleitu los del 2012 y 2013.
El PP y el PSOE van siguir dominando nes urnes. Asina opina’l 49 por cientu de los llectores d’Asturies.com, por un 40 por cientu que ve a los partíos de creación nueva y coaliciones como beneficiaos grandes de les Europees del domingu.
N’Asturies hai unos 200 castros tres la revisión fecha pol equipu d’Alfonso Fanjul, un númberu baxu pal país, lo qu’invita a pensar que los ástures tamién vivíen “en granxes y brañes”. L’arqueólogu refuga’l mitu de ‘bárbaros’ sobre estos grupos.
Foro, en solitariu, y Andecha Astur, dientro de Los Pueblos Deciden, son les candidatures asturianes pa les Europees, mientres que Compromisu sofita a Podemos. Vallina (IX), Garriga (PP) y Fernández y Muñiz (PSOE) opten a un escañu.
El Real Avilés venció con autoridá al Cartagena por 1-3, un resultáu que permite a los d’Uribe afrontar la vuelta con tranquilidá. Mentes, el Caudal perdió en casa col Atlético B (0-1) y tendrá que remontar en Madrid pa caltener la categoría.
