Martín Álvarez Espinar ganó la VII Carrera L'Asturcón, segunda prueba de la Copa d’Asturies de Carreres de Montaña, que continúa liderando Víctor Fernández Díez, terceru nel Naranco. Marta Escudero repitió trunfu en categoría femenina.
Ramón Durán, Defensor del Universitariu de la Universidá d’Uviéu, unvió una carta al rector Gotor na que recomienda cambios nel Reglamentu sobre presentación d’escritos n'asturianu nel Rexistru. Tamién suxer cursos pa funcionarios.
Esti abril van principiar dos cursos d’asturianu. El primeru, entamáu pola XDLA, ta destináu a persones con conocimientos previos del idioma y tien como sede Uviéu, mientres que’l segundu ye d'aniciación y celébrase en Llaranes.
La decisión de Crimea y Sebastopol de pasar a formar parte de la Federación Rusa nun va acabar en conflictu armáu pal 48 por cientu de los llectores d'Asturies.com que participaron nel nuesu ‘Conceyu Abiertu’. Un 35 por cientu opina lo contrario.
El coleutivu Softastur nun apara na so xera d’ufrir a los usarios software llibre en llingua asturiana. L’avance últimu ye’l trabayu desendolcáu con OpenMailBox, el primer webmail n’asturianu, que destaca pola so seguridá y privacidá.
L’Asador Alto de la Miranda y el restorán Peña Mea acueyen les I Xornaes Gastronómiques de les 6 Races Autóctones en Peligru de Desaniciu. Ésten dan aniciu esti martes y van ufrir productos d’estos animales hasta’l día 15.
La Oficina Europea de Lucha contra’l Fraude (OLAF) de la Comisión Europea reclama la devolución de 198 millones d’euros n’ayudes a la obra d’ampliación d’El Musel. Atopó irregularidaes na axudicación a la XTE Dique Torres.
Un total de quince bandes de rock, folk, pop y música d'autor participen nel discu ‘[Nuevos] Cantares de chigre’, qu’edita Algamar Producciones. Trátase d’un trabayu que busca revisar y actualizar el cantar de chigre tradicional.
Los profesores de Llingua Asturiana y Gallego-asturiano de Primaria, Secundaria y Bachilleratu yá pueden matriculase pa la VI Sestaferia que va tener llugar el 25 d’abril en Xixón. Ésta va constar de charres y talleres enfocaos a les TIC.
Coleutivos nuevos sumáronse al documentu ‘Cinco puntos por unos medios públicos al serviciu d’Asturies’, entamáu pola XDLA y presentáu hai poco más d’un mes na sede de l’ALLA. El Sindicatu d'Enseñanza de CC OO d'Asturies ye ún d’ellos.
