Echa a andar l’especial ‘Eleiciones Europees 2014’ d’Asturies.com

El 25 de mayu van celebrase eleiciones pa escoyer a los 54 europarllamentarios que van representar al Estáu nel continente. Mientres estos díes vamos informar de la cita próxima coles urnes nel especial ‘Eleiciones Europees 2014’.
 

La XDLA ve “lluces y solombres” na cobertoria de la RTPA a la Selmana de les Lletres Asturianes

El ‘Protocolu pa la visibilidá de la Selmana de les Lletres en RTPA’, qu’unvió la XDLA a Política Llingüística y la direición del ente, cumplióse a medies. La organización ve “lluces y solombres” na cobertoria de los actos de la Selmana.
 

Andecha Astur y Foro faen públicu l’informe de la OLAF sobre El Musel

La Direición Xeneral de Política Rexonal de la Comisión Europea nun aprobó’l modificáu de 250 millones d’El Musel. Ye una de les munches irregularidaes qu’apunta l’informe de la OLAF sobre les obres d’ampliación del puertu xixonés.
 

Suburbia Ediciones edita trés títulos nuevos en llingua asturiana

‘Nos prietos abilsos’, de Carlos X. Blanco; ‘Un palaciu enllenu ortigues’, de Pablo Antón Marín Estrada; y ‘Contra’l silenciu’, de Berto García, son los trés títulos últimos de Suburbia Ediciones n’asturianu. Ésti últimu ye una antoloxía d’autores asturianos.
 

Un 55 por cientu de los llectores d’Asturies.com nun ve un cambiu de sensibilidá hacia l’idioma en RTPA

Los avances últimos del asturianu na parrilla de la televisión y, sobre manera, de la radio públiques nun vienen por un cambiu de sensibilidá hacia l’idioma na direición de RTPA. Asina lo piensa un 55 por cientu de los nuesos usuarios.
 

El Cartagena, primer rival del Avilés na fase d’ascensu a Segunda A

Al Avilés tocó-y el que quiciabes yera’l rival más duru posible nel sortéu de les fases de promoción a Segunda A y Segunda B celebráu’l llunes en Las Rozas. El Caudal va xugase la categoría col Atlético B y el Lealtad l’ascensu col Puertollano.
 

Asturies.com presenta una galería de semeyes del XXXV Día de les Lletres

El vienres pasáu celebróse’l XXXV Día de les Lletres Asturianes. Asturies.com tuvo presente tanto na manifestación como nel actu académicu convocaos nesta xornada y ufre una galería de semeyes de les dos actividaes.
 

Rellación de ganadores del sortéu del llibru ‘Dibuxando un camín’

Asturies.com, gracies a la collaboración de l’Asociación de Llibreríes del Principáu d’Asturies, sortió cinco exemplares del llibru conmemorativu ‘Dibuxando un camín’. Los ganadores acertaron la entruga sobre la XXXV Selmana de les Lletres.
 

Cano asegura que "dexar morrer la llingua cuando podría salvase con tan poco, ye matala conscientemente"

La presidenta de l’ALLA, Ana María Cano, repasó les duldes de la institución pola situación de la llingua y espresó dalgunes certidumes, como l’apoyu popular al idioma. Dellos miles de persones manifestáronse enantes n'Uviéu pola oficialidá.
 

Asturies.com ufre’l discursu institucional completu d’Ana Cano

Esti vienres celebróse nel Teatru Campoamor el XXXV Día de les Lletres Asturianes. Asturies.com ufre’l discursu institucional completu que la presidenta de l’ALLA, Ana María Cano, lleó sobre les tables del teatru uviedín.

Pages