L’historiador Faustino Zapico protagonizó’l miércoles nel Espaciu Cultural La Manzorga una charra de nome ’25 de mayu. Fechos y significáu’. Nella repasó tolo acontecío al rodiu d’esa fecha y la so importancia nel so tiempu.
Esti xueves ye’l día caberu pa formalizar la matrícula pa la prueba de conocencia de mayu de l'ALLA, que ve tener llugar esti sábadu na Escuela d’Inxeniería Informática. Otra manera, yá ta abiertu’l plazu d’inscripción pa la UABRA.
Los dos equipos asturianos que continúen nes eliminatories pol ascensu a Segunda B, el Llangréu y el Ciares, van tener desplazamientos más curtios na segunda ronda. Los llangreanos enfréntense al Haro y los xixoneses, al Trival.
Asturies pierde un eurodiputáu con respeuto a la llexislatura anterior. Nin Salvador Garriga (PP) nin María Muñiz (PSOE) –el socialista Masip nun entró na llista– resultaron reelixíos, anque debuten Ángela Vallina (IX) y Jonás Fernández (PSOE).
Villaviciosa foi’l domingu una fiesta. El Club Deportivo Lealtad, que tuvo a piques de la desapaición hai dos años, consiguía tornar a Segunda B tres eliminar al potente Puertollano nos penaltis. Por contra, el Caudal pierde la categoría.
Con un 26,07 por cientu del total de votos (col 99,11 por cientu escrutao), el PSOE foi la formación con más apoyos n’Asturies. El PP rexistró un 24,10 por cientu y Podemos conviértese na tercer fuercia del país, con un 13,66 por cientu.
El Partido Popular (PP) foi la formación más votada de les Europees con un 26,05 por cientu del total de votos, col 98,79 por cientu de los votos escrutaos, pa sumar 16 escaños. El PSOE lleva 14 y Podemos, con 5, ye la gran sorpresa.
Los partíos demócrates-cristianos del grupu del Partíu Popular Européu sumen un total de 212 europarllamentarios (28,23 por cientu), por 185 (24,63) de los socialdemócrates. La participación a nivel européu foi del 43,09 por cientu.
Según datos provisionales daos pol Ministeriu del Interior, la participación final nel Estáu foi del 45,58 por cientu. Esto supón, a lo contrario de lo espareao, una medra en comparanza colos datos del 2009, que foron del 44,90 por cientu.
Hasta les 14 hores votaren n’Asturies un 22,04 por cientu de les persones llamaes a les urnes. Esta cifra ye dos puntos menor que la del 2009, cuando’l primer avance cifró nun 24,09 por cientu la participación.
