Daniel Fernández, voceru de Compromisu, anunció que la federación va sofitar la candidatura de Podemos a les Europees, anque reconoz “lluces y solombres nel procesu”. El xueves va presentase n'Uviéu'l procesu de Primaries.
Los resultados d’una analítica obliguen a Aníbal José Vázquez Fernández a dexar de forma temporal l’alcaldía de Mieres. El médicu recomienda-y reposu, dieta y exerciciu, polo que Manuel Ángel Álvarez Álvarez va quedar al frente de la Casa Conceyu.
Esti xueves espublizóse nel BOPA’l Plan Estratéxicu de Residuos del Principáu d’Asturies 2014-2022, anunciáu la selmana pasada. “Si yera malo, la llectura del testu failu tovía peor”, aseguren denden la Coordinadora Ecoloxista d'Asturies.
Inaciu Galán y González participa esti xueves nel XVI Forum for Iberian Studies: Cultural and Linguistic Diversity in the Iberian Peninsula que se celebra n’Oxford. L’escritor va falar de la situación d’anomalía llegal del asturianu.
La conferencia de Fe Santoveña sobre la modernidá y la masculinización na Asturies tradicional dexó pequeña la sala d’actos del Atenéu Obreru de Xixón. Esta conferencia taba integrada dientro de les charres mensuales qu’entama Ástura.
El 84 por cientu de los llectores d’Asturies.com señaló en ‘Conceyu Abiertu’ que fai boicó a aquelles empreses que zarraron les sos plantes nel país o qu’amenacen con facelo. Los trabayadores en llucha salen a la cai’l xueves en Xixón.
El xuráu del Premiu Timón de Cultura Asturiana decidió entregar el gallardón del 2014 a la Xunta pola Defensa de la Llingua Asturiana (XDLA). L'Arribada premia asina la trayeutoria de la organización nos sos 30 años de llucha.
Esti sábadu diose a conocer la coalición na que va participar Andecha Astur nes eleiciones Europees, de la que nun va formar parte Conceyu Abiertu. Lleva’l nome de Los Pueblos Deciden y ta liderada por EH Bildu y el BNG.
Una selmana depúes d’algamar el Premiu AMAS al meyor cantar folk, ‘Volviche’ repite gallardón, nesta ocasión el VIII Premiu al Meyor Cantar. La Banda Gaitas El Trasno, de Cuaña, ye la intérprete d’esti tema en gallego-asturiano.
