Per segundu añu consecutivu, el Troféu MacCrimmon de gaita solista asturiana y gallega viaxó p’Asturies. El sierense Álvaro Álvarez superó a los otros siete músicos participantes y releva nel palmarés a Jesús Fernández.

Per trés selmanes tuvieron n’Asturies formándose en cultura tradicional asturiana pa depués enseñala nos sos centros asturianos d'orixe. Foi na Escuela d’Asturianía, que na so cuarta promoción participaron un total de 23 mozos de 19 coleutivos d’emigrantes.

El Festival Interceltique de Lorient, que va contar con una delegación asturiana importante, dedica la so edición númberu 44 a Éire. El so presidente Michael D. Higgins acude en representación del país a esta cita.

La población d’Asturies sigue menguando –8.826 habitantes menos nel 2013– al rexistrar la menor tasa de natalidá del Estáu y la mayor de mortalidá. Esta situación nun tien solución según el 59 por cientu de los llectores d’Asturies.com.

La organización internacional ELEN ta acabante de presentar al Altu Comisionáu de los Derechos Humanos de la ONX un informe colos casos principales de discriminación llingüística n'Europa. Ente ellos apaez la situación de la llingua asturiana.

Los datos de les comunidaes autónomes pal ‘Cuartu Informe sobre’l cumplimientu n’España de la Carta Europea de les Llingües Rexonales o Minoritaries (2010-2013)’ yá tán disponible na web del Conseyu d’Europa. El Gobiernu resuelve les duldes del Comité d’Espertos.

Col oxetivu d’ameyorar la esperiencia y favorecer la llectura de la páxina a los nuesos usuarios, dende Asturies.com entamamos un cambiu nel diseñu del nuesu diariu dixital. Nestos momentos vusté ta visitando una versión beta de lo que será l’Asturies.com del futuru, na que ye posible qu'haya cambios d'estructura nel selmanes próximes.