L’actividá na Escuela de Fútbol de Mareo comenzó esti llunes coles pruebes médiques a los xugadores del Sporting, que’l miércoles van principiar colos entrenamientos. Mientres, El Requexón va acoyer el martes les primeres carreres de los xugadores del Uviéu.

L'actor y tamién autor d'obres teatrales finó na nueche del xueves a los 86 años.

Casi nueve meses depués de la muerte d'Arsenio González, la Compañía Asturiana de Comedias y el teatru asturianu tornen a sufrir otra gran perda. Eladio Sánchez, direutor de la centeneria agrupación teatral y fíu de la so fundadora, Aurora Sánchez, morría tres un tiempu con problemes de salú, afeutáu por un cáncer.

En menos d'una selmana esti curtiu yá raspia les 30.000 reproducciones en Facebook.

Estrenáu'l pasáu llunes nel marcu del Sol Celta, festival avilesín onde tamién tocó esti grupu asturlleonés de 'folk tsacianiegu', 'La Lienda' ye un curtiumetraxe musical fechu por Héctor Menéndez Aneiros del cantar 'La Lienda' del primer discu de D'Urria 'En Ca Pla' (Goxe Producciones). Nel videu, ambientáu na Guerra Civil, cuéntase la historia de trés combatientes na so vuelta a Villablinu dende Castilla.

Venticuatro moces y mozos descendientes d’asturianos emigraos van participar na sesta edición de la Escuela de Branu d’Asturianía. Ésta va desendolcase del 18 d’esti mes al 3 d’agostu con representantes procedentes de centros asturianos y cases d'Asturies d'Arxentina, Chile, México, Estaos Xuníos y España.

José Manuel López García, xefe de la Policía Llocal d'Uviéu investigáu pola operación ‘Enredadera’ entamada'l martes pola UDEF por amaños de contratos públicos pa regular el tráficu, pierde’l so cargu. L’alcalde Francisco Wenceslao López decidió cesalu “por perda de confianza” tres “una fonda y tranquila reflexón”.

Celébrase la cuerentena primer edición del festival dedicáu a la bébora nacional.

Anque dende'l martes hai programaes actividaes, ye güei cuando comienza oficialmente'l IXL Festival de la Sidra de Nava. Pa esta nueche ta previsto'l llanzamientu de fueos artificiales y una verbena con Biorritmos y Ritmo Joven, mentes que mañana, día grande, van desendolcase la mayor parte d'actividaes.

De Cospedal foi la ganadora n'Asturies.

Soraya Sáenz de Santamaría foi la candidata con más apoyos na primer vuelta de la votación pa escoyer al sucesor de Mariano Rajoy na presidencia del Partido Popular (PP) celebrada ayeri. La ex vicepresidenta del Gobiernu estatal, a falta de los resultaos oficiales que se confrimarán el llunes, algamó 21.530 votos (36,95 por cientu del total) polos 19.967 de Pablo Casado (34,30 por cientu).

Maestros y equipos direutivos de dellos centros tresmitieron quexes al Sindicatu d’Enseñanza de Comisiones Obreres (CC OO) tres conocer la previsión de places vacantes pa la materia de Llingua Asturiana. Denuncia la mengua inxustificada d’hores d’asturianu.

La polémica direutiva que llevó a quince wikipedies europees, ente elles l’asturiana, a bloquiar los sos conteníos per delles hores en mou de protesta foi refugada por Parllamentu Européu. Ésta pretendía reformar los derechos d’autor con normes que, afirmen, “estropiaría bultablemente la Internet abierta”.

Integrantes de la plataforma PlayPresta van acudir nos díes próximos a dellos eventos de la Cómic Con del certame xixonés.

La primer cita va ser esta tarde, a les 20 hores nel escenariu de la Cómic Con que comienza güei, y va consistir nuna presentación de la canal con conductores del mesmu. Van falar y avanzar novedaes de la so temporada próxima Laura Marcos ('La cla invisible'), Maggy ('#Tendencies'), la poeta asturiana Hortensia, Alexandru Ordiales ('Viaxando) y la cosplayer Shiro Ychigo ('CosPlayPresta'), amás del direutor Inaciu Galán.