Otros dos ocupantes del coche perdieran la vida'l domingu nel momentu del siniestru.

Elsa Lorences, de Tinéu al igual que Sergio Menéndez, víctima tamién del accidente, finó esta mañana nel HUCA, onde foi treslladada n'helicópteru medicalizáu con un traumatismu craneoencefálicu severu, día y mediu depués del choque ente dos automóviles na AS-15, na cercanía de San Pedru de Courias. La tercera persona que perdió la vida nel accidente ye otra moza, Tania Fernández, residente nel barriu xixonés de La Calzada.

Víctor Suárez va participar per segundu añu siguíu na convención añal de la Wikimedia Foundation, que nesta ocasión tien como sede la población sudafricana de Cape Town. Al igual que fixo en Montreal, l'usuariu y alministrador va participar en dellos grupos de trabayu pa visibilizar l’idioma y la Wikipedia n’asturianu.

"Naide nun se cree que con 450.000 euros al año se pueda finar con esta plaga en siete años", afirma Carmen Fernández Gómez.

El xueves echaba a andar en Cuaña el Plan d’Aición pal Control y Desaniciu de la Cortaderia selloana, conocida popularmente como plumeru de La Pampa. L'oxetivu ye, amás d'acabar colos exemplares esistentes nel país d'esta planta invasora, consolidar los terrenos lliberaos pa evitar que los vuelvan a ocupar otra vegada, dalgo que dende Foro consideren inviable col esfuerciu económicu que se va facer dende'l Gobiernu.

Van llanzase al rodiu de 80.000 voladores.

Esti llunes, día del Carme, celébrase en Cangas del Narcea la Descarga, ún de los acontecimientos más impautantes de los que se celebren n'Asturies. En poco más de 5 minutos 500 persones van llanzar unos 80.000 voladores nun festival de ruíu y pólvora.

A les 19.30 hores va ponese la misa solemne y a les 20 hores va comenzar la procesión. Nel momentu nel que la imaxe de la virxe quede nel centru de la ponte romana va entamase cola Descarga.

L’apaición d’un llibru de rexistru parroquial na población cántabra de Limpias permitió conocer la identidá de 74 combatientes republicanos enterraos nuna fosa común del cementeriu llocal. D’ellos al menos nueve son asturianos y Xusticia ta collaborando na busca de los sos familiares pa informa-yos del afayu.

Celebróse un Plenu monográficu na Cámara.

Partido Popular (PP), Izquierda Xunida (IX) y Foro solicitaron la convocatoria de dicha sesión na Xunta Xeneral, que se celebró esta mañana. Na mesma Javier Fernández fixó la posición del so Gobiernu con respeuto al carbón y la transición enérxetica, y adelantó les demandes que va presentar a Pedro Sánchez na reunión de presidentes del día 25.

Destina 440.000 euros a esti fin.

El conseyeru d’Infraestructures, Ordenación del Territoriu y Mediu Ambiente, Fernando Lastra, asistió güei a la puesta en marcha del Plan d’Aición pal Control y Desaniciu de la Cortaderia selloana, conocida popularmente como plumeru de La Pampa. La primer actuación tuvo llugar ayeri en Cuaña, escoyéndose una finca particular averada al ríu Navia, daqué que, a xuiciu de Lastra, “pon de manifiestu la necesidá de que la sociedá civil s’implique nel desaniciu".

La Carpa de la Palabra de la Semana Negra va acoyer esti sábadu un actu públicu de la FSA baxo’l nome ‘Sí al asturianu, sí a la oficialidá’. 28 personalidaes del mundu cultural y políticu van espresar en menos d’un minutu les sos razones pa sofitar la oficialidá y l’idioma.

Un centenar de persones va formar parte de la delegación asturiana del XLVIII Festival Interceltique de Lorient, que va celebrase na población bretona del 3 al 12 d’agostu. Asturies torna a llevar una representación de luxu nesta edición dedicada a Cymru.

El coleutivu da espaciu nel so puestu a empreses qu'empleguen l'idioma.

Per segundu añu, tres la bona esperiencia de la edición pasada, Iniciativa pol Asturianu va contar con un espaciu propiu na popular Feria Internacional de Muestres d'Asturies (FIDMA) que se va celebrar nel Recintu Ferial Luis Adaro del 4 al 19 d'agostu. Nella, amás de dar a conocer a l'asociación, va haber espaciu pa empreses comprometíes pa cola llingua asturiana.