Por una insuficiencia cardiaca la mesma nueche na qu'arrancó'l so xuiciu depués d'un parón al sufrir una anxina de pechu.

José Ángel Fernández Villa acudió anueche al Hospital Universitariu Central d'Asturies (HUCA) al encontrase mal, quedando ingresáu por una insuficiencia cardiaca. Esta situación dase'l mesmu día nel que l'ex sindicalista tornía a sentase nel bancu de lo acusaos nel xuiciu por una supuesta apropiación indebida de 434.158 euros del SOMA-UXT cuando yera'l so secretariu xeneral.

La Cruciada, La Bobia, Miyangues y La Miyar pasen a ser la denominación oficial d’estos cuatro llugares de Cabranes. La Xunta Asesora de Toponimia dio’l preste a estes cuatro modificaciones solicitaes pol Conceyu que s'espublizaron nel BOPA d’esti xueves.

Les especies necrófagues van poder asina alimentase tres nun tener los efeutos esperaos la resolución de mayu del 2017.

La Conseyería de Desarrollu Rural y Recursos Naturales espublizó'l martes una resolución nel Boletín Oficial del Principáu d'Asturies (BOPA) que permite a los ganaderos dexar los animales muertos nes camperes allugaes nes zones de proteición p’alimentar a especies necrófagues. D'esta forma desaníciase la obligación de les esplotaciones agraries de disponer d'un seguru de recoyida de cadabres neses árees.

Sustitúi nel cargu a Vizcaíno, yá xubiláu.

L'uviedín anunciaba'l mes pasáu'l so deséu de solicitar la xubilación anticipada cola intención de dexar la direición xeneral de Pesca Marítima esti añu. El Conseyu de Gobiernu reaicionó rápido al deséu d'Alberto Vizcaíno y nomó esta mañana a Francisco González Rodríguez como'l so sustitutu.

Agrupaciones d’Asturies, Breizh y Portugal van participar nel XXII Festival de Bandes de Gaites Villa de Candás, que va celebrase del xueves al domingu. Tamién va haber espaciu pa conciertos de música folk, destacando la presencia de N’Arba.

El xuiciu al sindicalista continúa cola declaración como testigos d'Alperi, Postigo, Fernández Natal y Fernández Suárez.

Dieciséis díes depués de la suspensión de les vistes por una anxina de pechu qu'obligó a que José Ángel Fernández Villa pasara seis xornaes hospitalizáu nel HUCA, l'ex secretariu xeneral del SOMA-UXT sentóse otra vuelta nel bancu los acusaos. Enfréntease a una posible condena d'ente 5 y 6 años de cárcel por una supuesta apropiación indebida de 434.158 euros del sindicatu.

“Esbarrumbe” y “decadencia”. Con estes pallabres califica Izquierda Xunida (IX) la situación del sector ferrioviariu n’Asturies, que, según les cifres que manexa la coalición, rexistra no que va de mes más de 350 servicios suprimíos, cantidá que Renfe rebaxa a menos de 300.

El llunes comenzó en Gasteiz el II Hizkuntza Gutxituetako Hiztun Gazteen (HIGA!), alcuentru de moces y mozos falantes de llingües minorizaes. Iniciativa pol Asturianu representa al nuesu idioma nesta cita, na que va proyeutase ‘La vida ensin oficialidá’.

El presidente del Gobiernu estatal, Pedro Sánchez, compareció a pidimientu propiu nel Congresu pa presentar les llinies básiques del so Executivu. Anunció la prohibición por llei de les amnistíes fiscales, ente otros munchos asuntos, y confirmó’l desenterramientu “nun espaciu breve de tiempu” de los restos de Francisco Franco.

Va celebrase en Bimenes los díes 31 d'agostu y 1 y 2 de setiembre, y ye de baldre.

Música, poesia, arte mural, talleres, monólogos y mercaos sociales conformen la programación del II Pali que Pali Fest, certame que torna a celebrase en Santuyano. Mientres trés díes la cultura va tomar esta población yerbata nun ambiente folixeru na que los asistentes van tener una zona d'acampada pa poder disfrutar de la totalidá de les actividaes.