La intención de la organización del popular certame ye recuperalu nel 2019.

Ástures y romanos nun van vese les cares n'agostu en Carabanzo como venía asocediendo nos últimos 12 años. El Festival Astur Romano nun va celebrase esti añu "por problemes loxísticos y téunicos", según reza un comunicáu difundíu na cuenta oficial del certame en redes sociales.

A falta de contabilizar el votu per corréu.

Asturies ye l'únicu territoriu onde Izquierda Unida nun va dir en coalición con Podemos y Equo a les eleiciones autonómiques de xunu del 2019. La militancia d'Izquierda Xunida d'Asturies decidió na consulta celebrada'l xueves pasáu acudir en solitariu con un proyeutu propiu a les mesmes depués de que la consulta federal fecha al respeuto de la confluencia algamara un 66,02 por cientu d'apoyos nel país.

Cerca d’enfocar el tramu final de la llexislatura, SUATEA fai balance de la situación del asturianu y el gallego-asturiano nel enseñu. “Non sólo lleva estos trés años estancada, sinón que recula y nun se respeten los derechos de la ciudadanía”, asegura’l sindicatu.

L’Asociación Memorial Chema Fombona entama en Noreña unes xornaes n’alcordanza del popular batería, fináu n’avientu del 2015 a los 46 años por un infartu mientres ponía clase. El primer Memorial Chema Fombona tien como fin entamar actividaes al rodiu la percusión y la figura del músicu de Los Berrones o Vaudí.

Esti llunes, 2 de xunetu estrénase nel Palaciu Valdecarzana d'Avilés el videu musical 'La Lienda' del grupu ḷḷacianiegu-astur D'Urria, dientro de les actividaes programaes nel festival Sol Celta.

La televisión pública asturiana va estrenar esti domingu un nuevu programa dedicáu a la cultura sidrera. Mundu Sidreru, presentáu pol periodista Inaciu Galán, va emitise los domingos a les 21:30 hores y cuenta cola collaboración de la DOP Sidra d'Asturies.

Avilés abre’l branu mirando hacia l’Atlánticu cola sétima edición del festival Sol Celta. Dende’l llunes y hasta’l domingu los trés escenarios del certame van acoyer más de 35 conciertos, a los qu’hai que sumar el mercáu y otres munches actividaes, como un cursín d’iniciaciación a la llingua asturiana.

Santiago García Granda y Xosé Antón González Riaño roblaron un conveniu de collaboración nuevu que vien a afitar les rellaiciones ente dambes instituciones. La creación de beques d’investigación conxuntes y l’asesoramientu llingüísticu a la Universidá d'Uviéu pola ALLA son dalgunos de los puntos que recueye'l documentu.

Los Berrones, Tejedor, y Silvidos y Gemidos van poner la música na área recreativa.

El domingu va celebrase la segunda edición d'esta época nueva de la Xira al Naranco, festividá con muncha tradición nel conceyu que se perdió cola Guerra Civil y que se trató de recuperar en delles ocasiones, ensin munchu punxu. La bona esperiencia del añu pasáu lleva al Ayuntamientu a potenciala esti 2018 xunto al coleutivu Manos por el Naranco.

El cambiu de Gobiernu nel Estáu, tres la moción de censura a Mariano Rajoy que dio la presidencia Pedro Sánchez, lleva a Iniciativa pol Asturianu a treslladar per carta dellos pidimientos al socialista. Ente ellos ta la creación de la especialidá, le retirada de los recursos a les ordenances o’l cumplimientu de la toponimia.