Tuvo que ser suspendíu por un ingresu hospitalariu del sindicalista mineru.

Una anxina de pechu foi la causante del pasu pel HUCA de José Ángel Fernández Villa, onde quedó per seis díes. La situación obligó a la xueza María Luisa Barrio a paralizar el xuiciu al ex secretariu xeneral de SOMA-UXT pola supuesta apropiación indebida del sindicatu de 434.158 euros.

El Muséu Arqueolóxicu acueye dende esti miércoles y hasta’l vienres un congresu internacional polos 1.300 años del nacimientu del Reinu d’Asturies. Especialistes de delles universidaes van estudiar, dende l’arqueoloxía, esta época escasa de fontes documentales.

El Colleutivu Ciudadanos del Reino de Llión (CCRL) celebra’l reconocimientu de la “Región Leonesa” por parte del Gobiernu estatal nuna respuesta escrita al senador valencianu Carles Mulet. Destaca que s’evite eufemismos pa referise al territoriu que conformen Lleón, Zamora y Salamanca.

Los temes principales que va treslladar el presidente a Madrid ye la financiación autonómica y la transición enerxética.

La cita va ser en Moncloa a les 13 hores, según confirmó Guillermo Martínez Suárez, conseyeru de Presidencia y Participación Ciudadana esta mañana en Castropol, onde tuvo llugar la reunión del Conseyu de Gobiernu. La visita de Javier Fernández a Pedro Sánchez produzse dientro de la ronda d'alcuentros del nuevu presidente del Gobiernu estatal colos autonómicos, que se tán celebrando, como ye vezu, pel orde d'aprobación del Estatu d'Autonomía.

El Mirandés ye l'únicu club de Castilla y Lleón nel mesmu al pasar el Burgos al 1.

Asturies va repetir con cántabros, vascos, navarros y rioxanos nel grupu 2 de la Segunda División B, cola incorporación del Mirandés pa completar los venti equipos. La intención de los asturianos yera tornar al 1, con gallegos, castellanos, lleoneses y rioxanos, pero finalmente la Comisión de Segunda B refugó la propuesta asturiana y los conxuntos del país caltiénense nel 2 per segundu añu.

El ‘casu Musel’, qu’investiga los sobrecostos de 250 millones d’euros nes obres d’ampliación del puertu xixonés, ta más cerca de l’apertura de xuiciu oral. La xueza de l’Audiencia Carmen Lamela asume l’escritu de Fiscalía al deteutar un posible fraude y prevaricación nes actuaciones de los 24 investigaos.

La Direición Xeneral del Institutu Asturianu de la Muyer y Polítiques de Mocedá abrió’l plazu pa solicitar l’acreitación Marca Asturiana d'Escelencia n'Igualdá. Nes dos convocatories anteriores un total de doce empreses foron merecedores d’esti reconocimientu.

L'arqueólogu y espertu nel xacimientu Ángel B. Villa Valdés va facer el llabor de guía.

Ve necesario un espaciu onde pueda conocese, tresmitise y conservase esti patrimoniu histórico-cultural.

Na seronda ta prevista l'apertura del Centru d'Interpretación del Puertu y el Cañón d'Avilés en San Xuan na nave antigua de los Astilleros Ojeda y Aniceto. Somos Avilés demanda qu'esti proyeutu museísticu acueya un Aula de les Lleendes y los Trabayos Tradicionales de la ría, esto ye, "un espaciu espositivu y documental dedicáu específicamente a tresmitir y mantener vives les distintes manifestaciones culturales rellacionaes cola nuestra ría".