Día del Llibru Asturianu

Fernández Villa torna a l'Audiencia tres la so hospitalización

|

El xuiciu al sindicalista continúa cola declaración como testigos d'Alperi, Postigo, Fernández Natal y Fernández Suárez.

Dieciséis díes depués de la suspensión de les vistes por una anxina de pechu qu'obligó a que José Ángel Fernández Villa pasara seis xornaes hospitalizáu nel HUCA, l'ex secretariu xeneral del SOMA-UXT sentóse otra vuelta nel bancu los acusaos. Enfréntease a una posible condena d'ente 5 y 6 años de cárcel por una supuesta apropiación indebida de 434.158 euros del sindicatu.

Na vista de güei, la primer de les trés restantes –les otres dos van celebrase el llunes y el miércoles–, comparecieron como testigos José Luis Alperi, secretariu xeneral actual del SOMA-UXT; José Antonio Postigo, ex presidente del Montepío; Armando Fernández Natal, miembru de la Executiva; y José Ramón Fernández Suárez, ayalgueru de la Xunta Alministrativa. El primeru declaró que Fernández Villa marchó con numberoses pertenencies del sindicatu, dende mochiles de congresos hasta bolígrafos, pasando por llibros o documentos, y qu'en nenguna Xunta se decidiera comprar un coche nin que se-y pagase al acusáu por él.

Pela so parte, Postigo, que declaró per videoconferencia dende Murcia, qu'apuntó que dende'l sindicatu nunca se punxeron en cuestión los gastos de Fernández Villa nin de nengún compañeru mientres dirixía'l mesmu. Completaron esta vista del xuiciu Fernández Natal, nel so casu dende Girona, y Fernández Suárez, en persona.

Contador Estadistiques