Les comparecencies informatives sobre proyeutos comiencen esti xueves na Xunta Xeneral col correspondiente al de Participación y Promoción Xuvenil.

Esti añu concede 14 ayudes pal retornu.

El Gobiernu autorizó nel 2018 subvenciones direutes a 71 emigrantes retornaos o descendientes por una cuantía de 112.950 euros, la cifra más alta dende’l 2014. Con esti esfuerciu económicu, l'Executivu busca ameyorar la situación de los que, por motivos económicos y sociales, abandonaron les sos vides n'otros países pa instalase n'Asturies.

Mercedes Fernández nun va ser la candidata del Partido Popular (PP) a la presidencia de la Xunta Xeneral nes eleiciones de mayu. El presidente del partíu, Pablo Casado, ta acabante de confirmar que Teresa Mallada, ex rexidora d’HUNOSA, va liderar la llista.

La llingua asturiana sigue arrequexada na RTPA. Una vegada finada la Navidá, y al contrariu que faen el restu d’autonómiques de comunidaes que cuenten con llingua propia, la televisión pública asturiana nun emitió nin un programa infantil o película d'animación pa la reciella en llingua asturiana, denuncia la XDLA.

Aguilandos y villancicos asturianos protagonicen la cuarta xuntanza de grupos folclóricos y músicos del país na Casa Cultura.

El Conceyu de Grau y l'Archivu de la Tradición Oral d'Ambás entamen un añu más esta prestosa iniciativa que tolos años dexa pequeña la instalación cultural. Un total de 15 formaciones participen nesta ocasión nuna cita prevista pa les 19.30 hores d'esta tarde.

El presidente del PP, Pablo Casado, respondió a la carta unviada por Xosé Antón González Riaño, presidente de l’ALLA, depués d’unes declaraciones nes qu’afirmaba que naide nun falaba’l “bable” n’Asturies. Esti vienres llegó la contestación del popular, que tresllada’l so respetu y consideración pa cola llingua asturiana.

Iniciativa pol Asturianu entama per quintu añu esta campaña qu'aumenta en númberu d'opciones, prueba "de cómo l’asturianu va ganando espacios y apoyos na sociedá".

Un bilordiu que circula peles redes sociales, que tien la mesma naturaleza qu’otru que tuvo puxu’l branu pasáu, terminó nuna entruga nel Congresu al Gobiernu por parte de Foro. Trátase d’una anuncia del BOE del pasáu 28 d'avientu sobre un conveniu pa formar maestros pa dar llingua castellana a estranxeros.

La contratación pola campaña navidiega permitió que se punxera fin a cuatro meses d’aumentu del paru n’Asturies. N’avientu menguó en 553 persones p’asitiar el total de desemplegaos en 72.804 persones, la cifra más baxa dende’l 2008 al finar l’añu.

Van salir esti sábadu a pidir l'aguilandu.

Los personaxes que componen Os Reises de Tormaleo, más d'una docena, van percorrer un añu más les aldees habitaes de la parroquia, una tradición vieya recuperada hai poco más de diez años y que nun apara de garrar puxu. Hasta Ibias desplácense numberoses persones de conceyos vecinos y del restu del país pa disfrutar d'esta mazcarada d'iviernu qu'entama l'Asociación Cultural Tío Vitán.