Un total de 71 emigrantes o descendientes recibieron ayuda del Gobiernu nel 2018

Esti añu concede 14 ayudes pal retornu.

El Gobiernu autorizó nel 2018 subvenciones direutes a 71 emigrantes retornaos o descendientes por una cuantía de 112.950 euros, la cifra más alta dende’l 2014. Con esti esfuerciu económicu, l'Executivu busca ameyorar la situación de los que, por motivos económicos y sociales, abandonaron les sos vides n'otros países pa instalase n'Asturies.

Pal 2019 tán aprobaes 14 ayudes nueves al retornu por importe de 21.600 euros pa emigrantes y descendientes que decidieron tornar o afitar la so residencia nel país. Estes ayudes concédense por razones d'interés social y humanitariu, cola mira d'ufiertar sofitu a persones que s'atopen nuna situación de precariedá, non solamente económica, sinón tamién llaboral y social.

Diez de los beneficiarios nacieron n'Asturies y otros cuatro son descendientes d'emigrantes. Por llugar de procedencia, nueve son orixinarios de Venezuela, dos d'Estaos Xuníos, dos de Perú y ún de Cuba.