Un gol en propia de Christian Fernández na primer metá sentenció un emocionante derbi a favor del Sporting, conxuntu que sal reforciáu del choque de rivalidá al acumular cuatro trunfos siguíos. El partíu nun tuvo exentu de polémica pola decisión del árbitru, mui protestáu pol Uviéu, d’anular un gol a Ibra nel 89.

Presentóse n'Asturies la coalición Agora Repúbliques, na que participa Andecha Astur, con representantes d'EH Bildu y ERC.

Sporting y Uviéu van enfrentase esti domingu nun partíu que pue considerase una final pa los dos equipos a pesar de que queden 12 xornaes de Lliga. Los roxiblancos necesiten la victoria pa nun perder de vista’l play-off, mentes que los azules saben que de ganar dexaríen fuera de la llucha pol sestu puestu al eternu rival.

La ministra socialista d’Educación y Formación Profesional, Isabel Celaá, nun va dar el pasu de crear la especialidá docente d’asturianu y gallego-asturiano. Ye lo que s’entiende de la respuesta evasiva dada a SUATEA, que demandaba la introducción d’una modificación nos decretos d’especialidaes que permitiera la so regulación.

Entamen les Marches de la Dignidá.

Numberosos coleutivos sociales suménse a la llamada pa concentrase baxo'l lema 'Queremos vivir y trabayar n'Asturies'. Mientres la mesma va facese una representación qu'escenifica la situación que vive anguaño'l país.

‘Nun dexar a naide atrás; agua pa toos’ ye’l lema del Día Mundial del Agua que se conmemora esti vienres, coincidiendo col 22 de marzu. Escolines y escolinos de Sobrescobiu y Casu conmemoraron esta xornada inaugurando la campaña pa un consumu responsable que va llegar escueles de tol país con visites a la Casa del Agua y a Baíña.

La cantidá presupuestada ye la mesma qu'en convocatories anteriores d'esta subvención.

La Conseyería d'Educación y Cultura ta acabante d'anunciar una llinia d'ayuda pa la información, formación y espardimientu del deporte tradicional asturianu nel añu 2019 "cola fin de dotalos de visibilidá y asina collaborar cola so preservación, afitamientu y identificación de los mesmos coles costumees asturianes como una amuesa más de la so idiosincrasia". Ésta tiene una cuantía total de 18.000, con un máximu de 18.000 euros por proyeutu.

La toponimia tradicional d’Uviéu, Onís y Cuaña pasa a ser dende esti xueves la única oficial d’estos conceyos. Nel casu de la capital del país tien la denominación billingüe Oviedo/Uviéu, al igual que delles parroquies y llugares como San Claudio/San Cloyo, San Esteban/San Isteba o Los Concejiles/Los Conceyiles, mentes que Benia pierde l’apellíu ‘d’Onís’ y derógase la forma castellana ‘Coaña’.

El Plenu d’Avilés d’esti xueves aprobó por unanimidá el Reglamentu Orgánicu Municipal nuevu. Ésti inclúi, a pidimientu de Somos Avilés, un artículu sobre la llingua nos procedimientos qu’afita l’emplegu del asturianu depués de que’l primer proyeutu del PSOE retirara l’únicu esistente que facía referencia al usu del idioma.

La formación asturiana, en coalición col PP, propón a Camino Gutiérrez pal Senáu.

La Comisión Direutiva de Foro decidió ayeri por unanimidá nomar al diputáu Isidro Martínez Oblanca como candidatu del partíu al Congresu. El xixonés va ocupar, según marca l'alcuerdu de coalición col Partido Popular (PP), el númberu 2 d'una llista que va liderar Paloma Gázquez.