Formará parte de les llistes del partíu pa la repetición eleutoral del 10 de payares.

Mercedes Fernández dimitió esta mañana como presidenta de la formación n'Asturies. Ocupaba'l cargu dende'l 2012, pero la llegada de Pablo Casado a Génova y la so apuesta por Teresa Mallada como candidata a la presidencia del país creó un clima d'inestabilidá y enfrentamientu ente partidarios de dambes polítiques que se salda agora cola salida de 'Cherines'.

El presidente d'Asturies, Adrián Barbón, protagonizó esta mañana en Madrid l'almuerzu informativu Fórum Europa, qu'entama Nueva Economía Fórum. Ésta foi la intervención que fixo'l socialista nel eventu celebráu nel Salón Medinaceli del Hotel Westin Palace.

El presidente d’Asturies, Adrián Barbón, protagonizó esti llunes l’almuerzu informativu de Fórum Europa en Madrid, actividá entamada por Nueva Economía Fórum. Acompañáu de ministros de Pedro Sánchez y dellos conseyeros, criticó “el despreciu que reciben los intentos de protexer la nuesa cultura” y recomendó lleer la opinión de Xovellanos sobre la llingua asturiana.

La conseyera de Facienda presentó na Xunta Xeneral el so programa de gobiernu.

“El Gobiernu d'Asturies defende un modelu centráu nes necesidaes del gastu y el costu efectivu de los servicios, non na capacidá fiscal de cada territoriu”, esplicó Ana Cárcaba esta mañana na Comisión de Facienda, na qu'aseguró que l'alcuerdu de los grupos políticos va ser clave pa que'l Principáu llogre los sos oxetivos. “Asturies tien de negociar xunida; poco vamos poder defender si vamos separtaos”, alvirtió, de la que se manifestó dispuesta a caltener y reforciar les alliances con otres comunidaes.

“Elías García tuvo tou un branu tocando la gaita na cai pa poder mercar el so primer bouzouki nuna tienda de Xixón”, rellata Rubén Bada, intérprete tamién d’esti instrumentu y compañeru del músicu nel dúu Bada y García. Non sólo se convertiría nun gran intérprete, sinón que fadría con él “una música que trescendía”.

Va celebrase del 25 al 29 en Xixón, cola esperada preba abierta'l sábadu 28.

El IX Salón Internacional de les Sidres de Gala (SISGA), eventu entamáu pala Fundación Asturies XXI, va acoyer nesta edición al menos a 50 llagares procedentes, amás d'Asturies, d'Estados Xuníos, Xapón, Portugal, Alemaña, Italia, Letonia, Estonia, Finlandia, Polonia, República Checa y España. En total son 12 los ellaboradores asturianos yá confirmaos, por 3 d'otres comunidaes autónomes y 35 de fuera del Estáu, cola posibilidá de que s'incorpore dalgún más nos díes próximos.

El pidimientu del Conceyu de Valdés de recuperar la toponimia non tradicional, la castellanizada, derogada nel 2014, indigna a la XDLA. Pide intervenir a les direiciones nacionales del PSOE, IX y Podemos y demanda a Cultura “nengún pasu atrás col procesu de recuperación de los nomes tradicionales de los llugares d’Asturies”.

Nomamientos nuevos na Conseyería d'Industria, Emplegu y Promoción Económica.

Los trabayos nel edificiu del Atenéu Obreru obliguen a treslladar el cursu aptu pa tolos niveles, que yá tien abierta la inscripción.

El Serviciu de Normalización Llingüística 'Comarca de la Sidra', en collaboración cola entidá creada nel 1911, entama una edición nueva del Taller d'Asturianu de Villaviciosa. Nesta ocasión les clases van treslladase a la cai Cervantes, númberu 10, por mor de les obres que se tán desendolcando nes sos instalaciones.

PSOE, Ciudadanos, PP, Foro y Avanza Valdés presentaron una moción conxunta al Plenu pa solicitar al Gobiernu "la convivencia de la toponimia actual con la anterior al 2014".