Elías García comenzó a collaborar con Felpeyu tocando’l vigulín por necesidaes de la banda y finalmente integróse na formación. Anguaño, esta “figura clave de la reellaboración del folk asturianu”, como lu considera Ruma Barbero, tocaba’l bouzouki nel grupu, que’l sábadu tenía convocáu’l primer ensayu xeneral d’una etapa nueva.
El polesu, sobreviviente del campu de concentración nazi de Buchenwald, tamién va ser nomáu fíu predileutu xunto a otros trés lluchadores antifascistes héroes n'Europa.
L'Asociación de Profesionales de Bibliotecas Móviles (ACLEBIM) premia esti programa p'ameyorar la calidá de vida de la xente mayor del conceyu que se creó nel 2000.
Elías García interpretó numberosos temes que formen parte de la memoria coleutiva del pueblu asturianu. Repasamos la so trayeutoria al traviés de dalgunos d'ellos.
Deciséis años de trabayu coldu con coldu en Tuenda crearon una fuerte amistá ente Elías García y Xosé Antón Fernández ‘Ambás’. El cantante, mui afeutáu pola muerte del so compañeru –“Asturies pierde al so meyor músicu y yo pierdo a un hermanu” –, destaca’l nivel interpretativu y el “gustu esquisitu” del músicu.
La noticia llegaba’l sábadu pela mañana como un golpe duru al alma d’Asturies. Elías García, componente de Llan de Cubel, Felpeyu y Tuenda, y pareya musical de Mapi Quintana y Rubén Bada, ente otros proyeutos, dexábanos a los 51 años de muerte natural.
Les pieces que conformen l’espectáculu ‘Chants de femmes des Asturies’ de Muga, que ta percorriendo dellos llugares y festivales de Francia y que se vio en Xixón nel Arcu Atlánticu, van protagonizar un discu. El tríu asturbretón entama una cuestación popular na rede p’ayudar a financialu, cola intención d'asoleyalu en primavera.
La periodista y escritora Nuria Varela va tar al frente de la Direición Xeneral d'Igualdá.
El Conseyu de Gobiernu aprobó ayeri diez nomamientos nuevos, que se sumen a los 44 de la selmana pasada. D'esta forma queden cubiertes 43 de les 44 direiciones xenerales, de les que 22 van tar dirixíes por muyeres.
La mayoría parllamentaria favoratible al asturianu na Xunta Xeneral ha de tener reflexu na presencia de la llingua asturiana na RTPA. “Tien qu'encarar yá un cambéu na dirección de los medios públicos y el desarrollu del mandato-marcu”, demanda la XDLA, que critica l’ausencia de programación na llingua llariega nel Día d’Asturies.
