Más Madrid acudirá a les eleiciones baxo'l nome de Más País en delles circunscripciones.

Iñigo Errejón va ser el candidatu a la presidencia del Gobiernu d'una iniciativa nueva na izquierda que, según afirma, naz pa facilitar la formación d'un executivu progresista nel Estáu. Según esplicó ayeri na asamblea de Más Madrid, l'ex de Podemos pretende sumar y non dividir el votu d'izquierda, polo que la so formación presentaráse como Más País namái en dalgunes circunscripciones, poniendo como primer requisitu qu'haya en xuegu 7 escaños o más.

Celebrase del xueves al sábadu en Lleón coincidiendo coles fiestes de San Froilán.

Formaciones d'Asturies, Galicia y Alba, amás de llocales, participen nel XIII Festival Celta Internacional Reinu de Llión. Los conciertos tienen llugar a les 22.15 hores na plaza de Regla, encargándose d'abrilos Caldo y Os Rabizos, formación del occidente qu'interpreta música de baille del Eo-Navia.

El domingu fina'l plazu pa la presentación d'alliances eleutorales de cara al 10-P.

Pablo Casado, presidente del Partido Popular (PP), insiste nel entamu d'una gran coalición de la derecha "pa ganar n'escaños al bloque de la izquierda y los nacionalistes". Pendiente de la respuesta de Ciudadanos, da por segura la incorporación de Foro a la mesma, según confirmó esta mañana nuna entrevista de Carlos Alsina nel programa 'Más de uno' d'Onda Cero.

La madrugada del 5 d’ochobre del 1934 dio aniciu la fuelga xeneral que n’Asturies derivaría nuna insurreición revolucionaria, proclamándose la República Socialista d’Asturies. 85 años depués, Uvieú va acoyer los actos del DMR y el conciertu Asturies Nun Escaez que conmemoren la Revolución d’Ochobre.

Va ponelos en Xixón dos díes a la selmana, cola posibilidá de facelos tamién a distancia.

Acuto Xuegos ta acabante de presentar la so novedá última. Trátase d’un dominó con animales d’Asturies, que se suma a los dos rompecabeces y el xuegu de les pareyes asoleyaos por esta empresa que crea materiales en llingua asturiana pa la reciella.

El llibru de Manuel García Menéndez resultó ganador del últimu Premiu Xosefa Xovellanos.

Tres presentalu en mayu na VII Feria del Llibru y Discu n'Asturianu, actividá encuadrada dientro de la XL Selmana de les Lletres Asturianes, l'autor torna a participar nun actu n'Uviéu pa dar a conocer la so novela 'El visitante impropiu', editada por Impronta. Va ser nesta ocasión na Librería Cervantes, nun eventu programáu pa esta tarde a les 19 hores que va conducir Carlos González Espina.

Percorrieron a pie la distancia ente Riañu y Uviéu, cerca de 19 quilómetros.

Los trabayadores de Vesuvius entamaron a les 8 hores una marcha pa defender los 111 puestos de trabayu de la factoría llangreana de la multinacional británica. Cuatro hores y pico depués entraban a Uviéu, onde numberoses persones esperábonlos pa sofitalos y acompañalos hasta la Xunta Xeneral, destín final d'esta aición de protesta.

Los representantes del comité d'empresa accedieron al edificiu p'aconceyar na Sala Xovellanos colos grupos parllamentarios y dar a conocer la situación a los políticos.

Los seis maxistraos de la Seición Cuarta de la Sala de lo Contencioso-alministrativo del Tribunal Supremu refugaron por unanimidá’l recursu de la familia Franco sobre’l desenterramientu del dictador y avalaron la decisión del Gobiernu estatal. Los sos restos treslladaránse al cementeriu de Mingorrubio, n’El Pardo, onde ta la so muyer Carmen Polo y dellos altos cargos franquistes.

Los órganos xudiciales y fiscales van utilizar les aplicaciones y sistemes teunolóxicos del Ministeriu de Xusticia pal desarrollu de la so actividá tres la robla d’un conveniu con Madrid. La ciudadanía va beneficiase d'un serviciu más áxil, eficiente y tresparente.