La Society for the ANalysis of Cultural Topics and linguistic Identities N’Asturies (SAnTINA) entama esti xueves y vienres dende California una convención telemática que pretende aunir a tolos académicos d’Estaos Xuníos y Canadá “que trabayen o tean interesaos en trabayar en filoloxía asturiana”. Ana Cano va poner la plenaria de la conferencia.

Llueu de ser finalista en dos ocasiones, Producciones Nun Tris llevó’l so primer Premiu y Festival Nel Amaro de Teatru Profesional en Llingua Asturiana o Gallego-asturiano. La obra ganadora de la quinta edición ye ‘La reina la guapura de Leenane’, versión asturiana de la creación del irlandés Martin McDonagh estrenada nel Xovellanos nel 2020.

Un llargu alderique internu llevó a la formación a sofitar, con condiciones, la oficialidá.

Adrián Pumares confirmó’l martes na Xunta Xeneral l’apoyu de Foro a la reforma estatutaria y a la oficialidá con delles condiciones. Na cuestión llingüística, amás de la voluntariedá, esixe una mayoría de trés quintos p’aprobar la llei d’usu posterior cola fin de blindala pal futuru.

“Penriba de too ponemos el consensu y l’alcuerdu; ver les cuestiones que compartimos, les que s’almiten y coles que tol mundu se siente cómodu, p’aprobar la reforma estatutaria”, espresó esti miércoles Rafael Palacios. El diputáu de Podemos y Ángela Vallina, d’IX, coincidieron en pidir la separación d'esta negociación de la de los Presupuestos.

Iniciativa rescampla que "tamos nun momentu mui importante pa la reivindicación del idioma y nun queremos que naide quede atrás".

“Esto camuda tol alderique”, espresó Adrián Barbón llueu de sentir les condiciones d’Adrián Pumares pa sofitar la reforma del Estatutu y la oficialidá, amosando tamién la so disposición a negociar. Éstes son la voluntariedá y la necesidá de trés quintos p’aprobar la llei que desendolque esa oficialidá, una Llei d’Impulsu Demográficu, ayudes direutes a la natalidá y la bonificación del impuestu de socesiones hasta la cantidá d'un millón d’euros.

Daniel Ripa, voceru de Podemos, entainó a Adrián Barbón a entamar cola reforma del Estatutu pa cumplir colos plazos y que llegue esta llexislatura a Madrid. “Nun tengo nada claro qu’haya 27 diputaos”, respondió-y el presidente, qu’asegura que’l modelu d’oficialidá deberá decidilo la próxima Xunta Xeneral.

Barbón convoca a tolos partíos, cola esceición de VOX pola so postura antiautonomista.

El PP y Ciudadanos foron los primeros partíos n’intervenir na segunda sesión del alderique d’orientación política xeneral correspondiente al añu llexislativu 2021-2022. Teresa Mallada fixo una breve referencia a la oficialidá, ensin réplica d’Adrián Barbón, mentes que Susana Fernández Álvarez intercambió opiniones col presidente nos sos turnos.