Les actes de l'agrupación asturiana de Bonos Aires van pa Salamanca

L'Estáu va entregar al Centru de la Memoria Histórica de Salamanca, seis llibros d'actes de l'Agrupación Asturiana de Bonos Aires 'La Tierrina Leal', fechaos ente 1958 y 1980.

L'agrupación 'La Tierrina Leal', creada en 1958 y dependiente del Centru Asturianu de Bonos Aires, tuvo un "importante" papel na vida de la comunidá asturiana n'Arxentina, según indicó'l Ministeriu de Cultura al traviés d'un comunicáu unviáu a Europa Press.

La so documentación recueye la vida social y les actividaes culturales entamaes por esta institución republicana, ofreciendo una panorámica "inigualable" de la colonia asturiana, del esiliu español n'Arxentina tres la Guerra Civil, y ye "una importante fonte pal estudiu del republicanismu español n'América".
  
Los llibros, procedentes del Centru Asturianu de Bonos Aires, recuperólos el Ministeriu de Cultura cola collaboración de la Fundación Claudio Sánchez Albornoz ente los años 1990 y 1996 y nel añu 2000.