Los agospiamientos aumenten un 0,4% respeuto a 2009

Los agospiamientos asturianos recibieron más de 373.000 turistes mientres el primer cuatrimestre de 2010, lo que significa un 0,40% más que nel mesmu periodu de 2009.

Asina, el nuesu país esperimentó l'únicu aumentu na estancia media de tol Cordal Cantábricu mientres el mes d'abril. Anocharon tamién unos 773.000 persones, lo que supón un aumentu del 0,73%, según los datos publicaos güei pol Institutu Nacional d'Estadística (INE).

Nel casu del turismu rural, Asturies raspia los tres díes d'estancia y consolida la so cuota dientro del Cordal Cantábrica, superando les 100.000 nueches nestos primeros cuatro meses del añu. La cifra -que engloba el 31,88% de los agospiamientos contabilizaos nel Cordal- supera los datos de 2008 y 2009.