Les ONGD piden al Principáu romper rellaciones con Israel

La Coordinadora Asturiana de ONGD quier tresmitir la so “más absoluta repulsa y conderga” ante l'ataque israelín a la Flota de la Llibertá, que llevaba ayuda humanitaria a Gaza.

“Esti ataque supon un nuevu atentáu contra la población civil a imaxe y semeyanza de los que se realicen a diariu na Faza de Gaza”, indiquen. Poro, les 39 Organizaciones que formen la Coordinadora Asturiana de ONGD, “faciéndonos ecu de la Declaración de Derechos Humanos; la Cuarta Convención de Xinebra y el Derechu Internacional esixen la condena ensin paliativos per parte de los Gobiernos d'Asturies y d'España”.
 
Amás, soliciten a los Gobiernos d'Asturies y d'España que ruempan rellaciones col Estáu d'Israel, y a la comunidá ciudadana qu'incentive tolos aspeutos de la campaña de boicó, sanciones y desinversiones al Estáu sionista.