El Beltaine va celebrase ente’l 24 de xunetu y el 1 d’agostu

Más de cuareta grupos de Bretaña, Portugal, Galicia, País Vascu, Cornualles, Irlanda, Gales, Islla de Man y Asturies, van participar nel programa del Beltaine-Avilés Intercélticu.

Los grupos irlandeses Lúnasa y An Taisteal, el bretón Thomas Moison, Kekezza de Cornualles, la gaitera gallega Susana Seivane y los asturianos Felpeyu , Corquiéu y Tejedor, son les grandes actuaciones musicales del Festival. Toos ellos van ufrir la so música na Plaza’l Parche d’Avilés.

Sicasí, nun ye l’únicu llugar del Beltaine. Asina, mientres la última selmana de xunetu, les cais y places de la villa del Adelantáu, el Teatru Palacio Valdés o la Casa la Cultura, amás de los conceyos d’Illas y Castrillón, van agospiar delles actuaciones musicales.

Esti añu una de les novedaes ye la presencia de dellos grupos de rock locales, como Capitán Cavernícola o Crudo, dientro de la programación del festival. Tamién rescampla la presencia d’agrupaciones corales de les naciones celtes.
 
Mientres los nueve díes del festival, dellos recintos culturales d’Aviés, como’l Palaciu de Valdecarzana, van acoyer esposiciones y conferencies que van complementar la programación del Beltaine. Tamién habrá actividaes deportives, como’l campeonatu d’axedrez ‘Caidrez’ o la II Regata de Trianeres, amás de deportes tradicional, amueses de baille, teatru, concursos de tonada y delles actividaes empobinaes a los más neños.
 
Pues descargar el programa equí