Fin de selmana de rock astur

Esti fin de selmana Xixón va enllenase col rock astur de Dixebra, La Tarrancha y Falanoncaduca. Amás, el domingu tamién habrá deporte del país y una charra sobre toponimia.

Dixebra y La Tarrancha van actuar na Feria de les Asociaciones de Xixón. Va ser na Playa Poniente a partires de les 22.00 hores. Sedrá de baldre y con dos de les meyores bandes de rock n'asturianu (amestu a ska, reggae, folk, llatinaes, funk…)

Mientres que’l domingu, Falanoncaduca van tar tocando de baldre na Plazuela Samiguel. El conciertu entama a les 19.00 y van facer un repás al repertoriu, asina  
como adelantar dalgunos temes que van meter en ‘Tiempu de Povisa’, el discu  
debut que van grabar a partir del prsimu 16 d'agostu y que tar na cai a mediaos de setiembre.

Feria de les Asociaciones

Pero amás de la música, la Feria de les Asociaciones va acoyer más actos de marcáu tastu ástur. Asina, a les 12 hores, Fai!, el Conceyu Nacional del Liriu y d'Espor[a], entamen un Tornéu de Liriu.

Una hora más tarde, la Xunta Moza va cellebrar una charra sobre la toponimia del país. Mientres qu’a les 18 hores, los xuegos tradicionales asturianos van volver de la mano del Garrapiellu.