Marruecos y el Polisariu van retomar les negociaciones

Marruecos y el Frente Polisariu van entamar una nueva ronda de conversaciones directes el próximu 4 d'ochobre sobre'l contenciosu del Sáhara Occidental, reveló esti el ministru d'Asuntos Esteriores y de Cooperación, Miguel Angel Moratinos.

Na Comisión d'Asuntos Esteriores del Congresu, Moratinos reafirmó qu'España "impulsa" esti procesu de negociación, promovíu pola ONU y sorrayó la necesidá de que Marruecos y Arxelia meyoren les sos relaciones billaterales pol bien y la estabilidá de la zona.
  
El xefe de la diplomacia española refirióse a los incidentes vivíos ente España y Marruecos esti branu na frontera de Melilla que, a día de güei, dixo, tán "arreglaos" gracies al "francu diálogu" establecíu ente los dos países.
  
Moratinos confirmó que Marruecos dio'l preste al candidatu qu'España propunxo como nuevu embaxador en Rabat, el diplomáticu Alberto Navarro, actual responsable de la legación en Lisboa.