Lorient acueye na Universidá un coloquiu intercélticu

"Celtismu y interceltismu güei” ye’l títulu d’un coloquiu que se va celebrar na Université de Bretagne Sud, en Lorient. Personalidaes internacionales van participar nesti alcuentru multidisciplinar nel que tamién intervién xente asturiano.

“Constucción de la idea céltica”, “Sentimientos de pertenencia” y “Diáspora celta internacional” son los trés bloques temáticos que se van tratar nesti “Colloque international” sobre’l celtismu los díes 11 y 12 d’ochobre na universidá de Lorient.

Trátase esti d’un alcuentru nel que va participar xente de tolos países célticos. D’Asturies intervienen l’escritor y psiquiatra Ignaciu Llope con una conferencia entitulada “El celtismu n’Asturies: mirar p’hacia una construcción d’intentidá plural” y l’artista Ánxel Nava, que va reflexonar sobre si’l patrimoniu inmaterial intercélticu s’alcuentra en peligru.

Alcuentru multidisciplinar
Esti coloquiu intercélticu va abordase dende abondes disciplines. Arqueoloxía, historia, llingüística, socioloxía o musicoloxía tienen el so sitiu nes conferencies daes por espertos na materia.