UNA pide la dimisión de Migoya por incumplir la llei

El portavoz d’UNA, Faustino Zapico, consideró “inalmisible” que Migoya se niegue a cumplir les sentencies xudiciales qu’anularon el nomamientu “a deu” de 350 xefes de negociáu y pide por ello la dimisión de la conseyera.

“Que'l maxistráu Jose Ramón Chaves tenga qu’amenazar a Ana Rosa Migoya con aiciones llegales contra ella, paque d'una vegada acate les sentencies en materia llaboral, son la constatación del despreciu de la Conseyera y del gobiernu de PSOE ya IX pol Estáu de derechu”, criticó Zapico.

Amás, el nacionalista señaló qu’estos fechos son “una prueba más del procesu de patrimonialización qu’entamaron PSOE ya IX na Alministración Pública asturiana” y estendió les responsabilidaes a tol gobiernu y non namás a la conseyera de la que piden la so dimisión por negase a cumplir sentencies nel so área de responsabilidá.

“Llegalizar la deucracia”
D’esti mou, UNA indicó qu’esta actitú s’amesta “al intentu de llegalizar la ‘deucracia’ per parte de PSOE ya IX pente medies de la reforma de la Función Pública” y Zapico acabó’l so comunicáu sorrayando que dende UNA van acudir a toles instancies polítiques precises “p’acabar con estos abusos”.