Los ex trabayadores de Venturo XXI manifestaron esti llunes "sorpresa ya indignación" ante la dimisión del director de Idepa, SRP y Conseyeru de Venturo XXI, Víctor González Marroquín.

El vicepresidente primeru del Gobiernu y ministru del Interior, Alfredo Pérez Rubalcaba, y en referencia al refugu per parte del Congresu de la llei Sinde, aseguró el pasáu xueves que "el Gobiernu va volver intentar".

La Mesa de la Cámara de la Xunta Xeneral del Principáu d’Asturies almitió a trámite la proposición non de llei presentada pol diputáu del Bloque por Asturies, pa que se nome Monumentu Natural a la islla La Lladrona.

Unidá Nacionalista Asturiana vien de llamentar “fondamente” el suspensu d’Asturies na aplicación de la Llei de Dependencia. L’Observatoriu de la Dependencia puntuóla con un 4 de 10, convirtiéndose nuna de les CC.AA onde peor s’aplica.

El voceru d’UNA, Fastuino Zapico, llamentó la situación y recordó que, como yá denunciara la so formación, “la crisis tán pagándola les polítiques sociales, a pesar de los desmentíos del gobiernu de PSOE ya IX”.

El Parlament nomó a Artur Mas presidente de la Generalitat electu colos votos de 62 diputaos, mientres que s'astuvieron los 28 diputaos del PSC.

Pela contra, votaron en contra de la so segunda investidura 45 diputaos, un terciu de la cámara: 18 del PP, 10 de ICV-EUiA, 10 d'ERC, 4 de SI y 3 de C's.
  
Mas va tomar posesión esti llunes como 129 presidente de la Generalitat de la historia, y hasta esi momentu José Montilla va siguir exerciendo como presidente en funciones.
 

El despidu de 29 trabayadores ensin posibilidaes de recolocación, el treslláu de la rotativa dende Xixón a Benavente y especulación urbanística; son les tres pates de la operación qu’arrodia al diariu El Comercio.

Nel últimu comunicáu tresmitíu pol colectivu de trabayadores d’El Comercio, afirmen que’l director xeneral del periódicu, Julio Maese Guisasola, y el director financieru, Goyo Ezama Meabe, “persisten nos sos planes d’esterminiu” del periódicu.

El Plenu de la Xunta Xeneral refugó colos votos de PSOE y IU-Verdes dos enmiendes a la totalidá presentaes por BA y PP al proyectu de llei d'octavu cambiu de la Llei del Principáu d'Asturies d'Ordenación de la Función Pública.

El grupu de punk-folk Skontra acaba sacar el so tercer discu,  'Mazcando Miseries', que va tar disponible en tiendes esta mesma selmana, y va presentase en directo n'Asturies a primeros del 2011.

El presidente español, José Luis Rodríguez Zapatero, aseguró qu'España va precisar cinco años pa correxir los desequilibrios estructurales de la economía, polo que queda per delantre un "llustru decisivu".

Mientres el so retruque na so comparecencia nel Congresu pa dar cuenta del últimu Conceyu européu, Zapatero aseguró que los activos colos que cuenta l’Estáu español pa encarar la nueva etapa "son méritos de toos", polo qu'apeló a la responsabilidá de los grupos nesti llabor. "Nun quiero ser descomanadamente solemne, pero sí seriu bastante", indicó.

El presidente de la SGAE, Teddy Bautista, asegura qu'ésta "nun va ser la última nin la más dura de les batalles", en referencia a la defensa de los derechos d'autor y el refugu na Comisión d'Economía del Congresu de la llamada 'Llei Sinde'.