Día del Llibru Asturianu

El Bloque denuncia que RENFE y FEVE nun respeten la toponimia

|

El diputáu del Bloque por Asturies, Roberto Colunga, mandó cartes a dellos responsables institucionales denunciando que RENFE y FEVE nun respeten la toponimia oficial asturiana.

“Son yá años de magar se van aprobando los topónimos tradicionales como oficiales, pero les empreses FEVE  y RENFE siguen incumpliendo la llei y nun respeten los nomes oficiales”, denuncia’l Bloque por Asturies.

D’esti mou, el diputáu del gupu Mestu, Roberto Colunga, escribió al Ministru de Fomentu, José Blanco; a los responsables de RENFE y FEVE; y a la Directora Xeneral de Política Llingüística, Consuelo Vega; pa saber si hai dalgún alcuerdu o contactu con estes empreses y por qué nun ye efectiva la oficialización.

Primer pasu

El Bloque na so nota de prensa qu’esti ye un “primer pasu” pa iguar l’incumplimientu llingüísticu porque, según esponen, “son munches les persones que se tán poniendo en contactu col Bloque por Asturies pa resolver esta situación”.
 

Comentarios

Si tan tardi llega  el REMEDIU ,la Llingua ya tara morta..Los politicos solu diran al so entierru!!
Ya non si fixeren les coses ayeri.   Non fai munchu tiempu ,que tan faciendo burlla de la Llingua!!
Iso tamien ta FECHU NA ASTURIES!!! Pol gobiernu del principau d'Asturies!!

Contador Estadistiques