Arias-Cachero: “Mariano Rajoy desprecia a Asturies”
|
31 Avientu, 2010 por Xicu Ariza
- Inicie sesión o rexístrese pa espublizar comentarios
El Comité Electoral del PP escoyió a la conceyala uvieína Isabel Pérez-Espinosa como candidata, en cuenta del ex ministru Francisco Álvarez Cascos. Militantes pro-cascos como Arias-Cachero “Felechosa” yá amosaron el rechazu.
Al traviés d’una nota de prensa, el conceyal non adscritu del Conceyu d’Uviéu, José Suárez Arias-Cachero “Felechosa”, manifestó con contudencia que “Mariano Rajoy desprecia a Asturies” pola decisión de rechazar la candidatura del ex ministru de Fomentu, Francisco Álvarez Cascos.
“Esta decisión ye un despreciu intolerable pa colos asturianos que nagüabemos por un cambiu históricu que pondría fin a un réximen de trenta años de gobiernos socialistes”, señaló Arias-Cachero mientres criticaba “l’ausencia de la más mínima democracia interna nel PP d’Asturies”.
Pal ex conceyal de Cultura n’Uviéu, anguaño conceyal non adscritu tres ser destituyíu pol alcalde Gabino de Lorenzo, la causa d’esta decisión ye que “Asturies ye pequeña en términos políticos y nun fai falta cuntar con aquellos que somos pocos y tamos na periferia”.
Que Cascos continúe
Al final del so comunicáu, “Felechosa” pide la continuidá de Cascos na so batalla por presentase n’Asturies: “que de un pasu al frente na defensa de los intereses d’Asturies y nos ayude a les miles de persones que nos comprometimos cola so candidatura a combatir cola resignación y a ofrecer una alternativa de renovación”.
Efrén d'Andrés
Comentarios
Non fai falta dir a Rajoy..Lo fixeron los politicos fina agora, el PP ya sabemos per onde van los tiros,pero ye que el PSA+IU/B non lo fixeron meyor.Tan malu ye'l que lo fai ,como quien lo consiente.
Que se meyoro en pro de la Llingua, ta pior de cuando mandaba el PP+PAS.En cuantu a la toponimia ,onde se fixo... Non se usa, la TPA fai burlla de tou, i asina per toos llaos,onde camudaren los rotulos ,tan agora los vieyos!! O se fai el trabayu o se dexa comer del duernu!!