BA amuesa'l so prestu ante'l "nuevu revés xudicial" pal Executivu

El voceru del grupu Bloque por Asturies, Rafael Palacios, amosó esti xueves el prestu del so grupu ante'l "nuevu revés xudicial pal Executivu" y añedió que sirve pa "desmontar adulces les decisiones miserables" contra los derechos.

Palacios refirióse con estes palabres a la decisión de la Sala de lo Social de la TSXA que condergó al Principáu a conceder les ayudes sociales que'l gobiernu asturianu esanició a los emplegaos públicos con fíos con discapacidá.
  
"Esmoleznos qu'una vegada más l'Executivu anuncie que va recurrir ante los tribunales esta decisión, col dineru de tolos asturianos. Porque paez que pa recurrir decisiones xudiciales insistentemente nun hai nengún retayu", dixo Palacios.
  
El voceru de BA indicó que tampoco sería d'estrañar que "PSOE ya IX-Verdes sacárense agora de la manga otra nueva llei pa dar llegalidá a estes práctiques que tán al marxe de la llei".