Día del Llibru Asturianu

La OTAN garra’l mandu militar de la operación en Libia

|

Tres dellos díes de negociaciones, la Organización del Tratáu del Atlánticu Norte (OTAN) decidió garrar el mandu militar de la operación en Libia pa frenar los ataques de Gadafi contra la población civil. L'Alianza sustitúi asina a Estaos Xuníos.
 
Los 28 aliaos llegaron un principiu d’alcuerdu pa que “la OTAN garre’l mandu” militar operativu de la operación nel país norafricanu, pero la misión tendrá “una estructura de Gobiernu política” al marxe de l’Alianza Atlántica cola creación de “un comité de direición” nel que van tar representaos los países de la coalición internacional, tal y como pedía Francia, según avanzaron fontes diplomátiques europees. Los ministros d’Esteriores británicu, William Hague; francés, Alain Juppé; turcu, Ahmet Davutoglu; y la secretaria d’Estáu estauxunidense, Hillary Clinton, zarraron l’acuerdu per teléfono, según les mesmas fontes.
 
Pese a que tovía queden asuntos por definir, como “les reglas de enfrentamientu” p’autorizar bombardeos y si Turquía tendrá “poder de vetu” pa paralizar ataques determinaos, s’espera que la trasferencia del mandu de la operación lliderada por Estaos Xuníos a la OTAN se complete esti vienres o’l sábadu. L'Alianza llanzó ayeri la so operación naval nel Mediterraneu pa contribuyir a l’aplicación del embargu d’armes sobre Libia, tamién autorizáu pola ONX, con seis barcos integraos en dos grupos navales permanentes de la OTAN. Siete estaos, ente los que ta l’español, ofrecieron otros 16 barcos en total pa cumplir esi oxetivu.

Contador Estadistiques