La Folixa del Primeru de Mayu treslládase a Ciañu

El Fondu xUnitariu de Solidaridá Obrera d’Asturies (FUSOA) tresllada a Ciañu la Folixa que celebra dende hai 9 años con motivu del Día del Trabayador. Arma X, La Tarrancha, Skama la Rede y Insershow van ser les actuaciones.
 
Pa la edición d’esti añu xúnese al FUSOA na organización de la yá tradicional folixa del Primeru de mayu’l Centru Social La Semiente, con sede en L’Entregu, que va tener la so inauguración oficial esti vienres con delles actividaes. La intención de treslladar la Folixa de Xixón a Llangréu decidióse como xestu a los “numberosos trabayadores (Venturo XXI, Alas…) que nesta zona sufren les consecuencies del capitalismu selvaxe”, señalen los organizadores. Toles perres de la recaudación, como ye vezu, van ser destinaes a sufragar los gastos xeneraos nos conflictos llaborales.
 
El cartelu d’actuaciones d’esti añu ta compuestu por Arma X, La Tarrancha, Skama la Rede y los catalanes Insershow, que visiten la Folixa per tercer vez. El grupu de versiones presenten un espectáculu mui prestosu nel que públicu collabora nel micro y na eleición de los cantares. La entada pal conciertu nel Cine Ideal,que va principiar a les 20 hores, ye de 5 euros, anticipada, y de 7 na puerta. La xente de Xixón tien la posibilidá tamién de dir a Ciañu en bus por un preciu de 12 euros, entrada incluyida. Éstes yá tan a la venta en El Baruku, El Trisquel y Sestaferia, en Xixón; Cambalache y Kin Café & Lounge, n’Uviéu; Serinsa Llaviana Informática, en Llaviana; La Chez y Casa Josefina, en Sotrondio; Chigre Concheso, El Chano, La Yenda, Tom Malora y Chigre Florida, en L’Entregu; La Folixa, en Ciañu; La Industria, en Sama; y B 12 y Matteria, en La Felguera.