Un homenaxe al guionista Carlos Blanco Hernández y la entrega de premios van protagonizar la gala del VII Festival de Cine Asturianu, qu’esti añu viaxa a Madrid. L’actu va principiar a les 20 hores nel Atenéu de la capital castellana.
La presidenta de l’Academia de la Llingua tornó a reclamar otra vuelta la oficialidá del asturianu nel so discursu institucional del Día de les Lletres Asturianes. Alredor d’un millar de persones participaron na manifestación previa pa pidir la oficialidá.
Esti vienres celebróse nel Teatru Campoamor el XXXII Día de les Lletres Asturianes. Asturies.com ufre’l discursu institucional completu que la presidenta de l’ALLA, Ana María Cano, lleó sobre les tables del teatru uviedín.
L’actu académicu del Teatru Campoamor (20.30 hores) va centralizar les actividaes del XXXII Día de les Lletres Asturianes que se celebra esti vienres. Nél, José Ramón Morala va ser nomáu académicu d’honor y Chechu Rubiera, homenaxeáu.
Coincidiendo col Día de les Lletres, va tener llugar esti vienres n’Uviéu la manifestación de la Xunta pola Defensa de la Llingua Asturiana pa pidir la oficialidá del asturianu. Ésta va salir a les 19.30 hores de la Estación del Norte.
Les redes sociales tamién quieren sumase a la reivindicación coincidiendo col Día de les Lletres Asturianes. Una campaña, na que participa Asturies.com, circula pela rede col oxetivu de facer Trendic Topic la etiqueta #oficialida.
Esti vienres tamién se celebra’l Día del Llibru Asturianu. Les llibreríes del país van facer un 10 por cientu de descuentu a toles persones que decidan mercar una publicación n’asturianu y van regalar una obra sobre Mánfer de la Llera.
Esta fin de selmana Llangréu va vivir la V Muestra Cultural ‘Tolo d’Asturies’, que torna a celebrase na estación d’autobuses. N’Arba, Los Berrones y Xuacu Amieva son dalgunos de los nomes que participen nesta actividá.
El Centru Social La Semiente celebra esti viernes una ‘timba poétika’ que va servir pa dar aniciu a les actividaes nel llocal d’esti coleutivu. Otra manera, los miembros de l’asociación ellaboraron un vidiu pa dar a conocer el proyeutu.
La Casa de los Alberti, en Ciañu, acoyó esti xueves la presentación de dos volumes nuevos sobre Mánfer de la Llera nel marcu de la Selmana de les Lletres Asturianes. Los dos llibros analicen la obra lliteraria y la vida del escritor llangreanu.
