El PP insiste en negociar alcuerdos globales con Foro Asturias

|

Isabel Pérez-Espinosa aconceyóse esti miércoles con Francisco Álvarez-Cascos y insistió en negociar alcuerdos globales col FAC. El llíder de Foro Asturias nun quinxo facer valoraciones hasta acabar la ronda de reuniones.
 
“Nós entendemos que la situación d’Asturias inclúi la gobernabilidá del Principáu, la Xunta Xeneral y los ayuntamientos nos qu’una u otra fuercia política ganó les eleiciones, y el nuesu marcu de negociación ye la valoración de les propuestes que faigan tanto nel ámbitu rexonal como nel municipal” dixo la candidata del PP en rueda de prensa. Una postura contraria a la que mantién Álvarez-Cascos, yá qu’en munches ocasiones señaló la so decisión de dixebrar les negociaciones a la presidencia d’Asturies de la de los conceyos, dando autonomía a éstos pa tomar decisiones.
 
Tres l’alcuentru, el llíder de Foro Asturias Ciudadano (FAC) indicó, al igual qu’ayeri depués de la reunión con Javier Fernández, que nun va facer valoración dalguna hasta que nun se reuniera con toles fuerzcies polítiques. Asina, destacó que mañana, tres mantener l’aconceyamientu previsto con Jesús Iglesias, candidatu d’IX-LV, va reunise cola comisión delegada de Foro Asturias pa poder analizar l’escenariu nel que tán. Por último, Álvarez-Cascos insistió en que la reunión celebrada con Pérez-Espinosa foi  “cordial y respetuosa” y que nella namái punxo sobre la mesa la disposición de la so formación a dialogar ensin restricciones p’algamar alcuerdos parllamentarios, de llexislatura y de gobiernu.

Comentarios

Lo de los del PP ye ablucante. Van de mal en peor, nun solo nun admiten que lo ficieren mal y que la sociedad asturiana que los apoyaba dio-yos la espalda, sinon que agora, tras el fracasu extrepitosu que tovieron, ponense chulos. Estos teníen que desapaecer en Asturies lo mesmo que ya ficieron fae tiempu en Navarra.

La frase "Van de mal en peor, nun solo nun admiten que lo ficieren mal y que la sociedad asturiana que los apoyaba dio-yos la espalda, sinon que agora, tras el fracasu extrepitosu que tovieron, ponense chulos." val pal PSOE sobre too.
Lo del PP hai que velo como enfrentamientos personales de la derecha n'Asturies. Ye un fechu que la derecha gano votos a esgaya en toa España. N'Asturies tamién pero por mor de les engarradielles internes desdoblóse en dos partíos.
De toes formes nun me parecería mal que desapareciera como en Navarra. Vendrianos muy bien.

Contador Estadistiques