FAC propón al asturianista Arias-Cachero ‘Felechosa’ pal conseyu d'alministración de RTPA

La Comisión Direutiva de Foro Asturias Ciudadano (FAC) fixo públicu’l llunes el llistáu de representantes de la formación n’organismos de la Xunta Xeneral. Ente los seis escoyíos pal conseyu de l’alministración de la RTPA ta ‘Felechosa’.
 
José Suárez Arias-Cachero ‘Felechosa’, conceyal del Cultura pol PP n’Uviéu hasta facer un apoyu públicu a la candidatura de Francisco Álvarez-Cascos a la presidencia d’Asturies pol partíu conservador, lo que nun-y prestó a Gabino de Lorenzo, va ser la voz asturianista de FAC nel conseyu d’alministración de la RTPA tres la decisión de la Comisión Direutiva de la organización que lleva les riendes del Gobiernu del país. Xunto a él, van tar Félix Fernández Rodríguez, Raimundo Roces Velasco, José Manuel Fernández Lavandera, Jorge Fernández Álvarez y José Pedreira Menéndez. La entrada d’estes persones al conseyu del ente públicu tien qu’aprobase agora na Xunta Xeneral.
 
Les propuestes de FAC pal Conseyu Social de la Universidá son Javier Junceda y Antonio Landeta, mentes que pal conseyu d’alministración de Comunidaes Asturianes escoyeron a José Antonio Pérez  y a José Antonio Rodríguez. Otra manera, Armando Braña y Ramón Sobrino son los candidatos pal conseyu rector de la OSPA; Javier Barón y Francisco Crabiffosse, pa la Xunta de Gobiernu del Centro Regional de Bellas Artes; Jaime Pérez-Magdalena y José Martín Díez Casado, pal Consejo Regional de Desarrollo Agroalimentario; y Nicolás Arganza, pal Conseyu pa la Promoción d’Accesibilidá y Supresión de Barreres.
 
Per otru llau, Foro tamién aprobó los sos nomamientos nes comisiones de trabayu de la FACC y nos sos organismos dependientes de las distintes conseyeríes. Pa les comisiones figuren Susana Corredor, José Sánchez, Alfonso Ginés, Antonio Fernández, Pablo Sánchez, Ramón Zapico, Ana Gutiérrez Buergo,  José Modesto, Rosa Domínguez de Posada,  Rafael Felgueroso, Juan Ramón Campo, Manuel Antonio López y Manuel Fernández Ruiz; mentes que los representantes al traviés de la FACC son José Modesto Vallejo, Ángel Luis Flórez, Eva María Illán, José Félix Fernández, Cándido Vega Díaz, Félix González, Carlos Suárez Calleja, José Ron Méndez, Juan Carragal, Sergio Hidalgo, Cándido Vega, Carmen Moriyón, Rosario Fernández, Alejandro Menéndez, José Luis López,  Donadina Cuervo, Rosario Fernández Román, Cecilia Fernández, José Antonio Pérez, Santiago Pendás, Teresa Domínguez, Enrique Fernández Muñiz, José Arturo González González de Mesa, Mercedes Triviño y Rosa María Domínguez, alcaldesa de Peñamellera Alta, que tamién será la representación de FAC na Federación Española de Municipios y Provincias (FEMP).
  
Por último, la Comisión Direutiva aprobó 130 altes nel partíu y rexistró 51 baxes –6 por muerte–, lo que sitúa’l númberu total d’afiliaos en 11.692.