El Gobiernu va poner en marcha un Plan d’Auditoríes pa facer un control rigurosu de l’Alministración

La Conseyería de Facienda y Seutor Públicu va poner en marcha a lo llargo del 2012 un Plan d’Auditoríes. L’oxetivu del Executivu ye entamar un control más rigurosu de l’Alministración y de los destinatarios de fondos del Gobiernu.
 
El Plan d'Auditoríes establecerá’l conxuntu d'actividaes de control financieru a facer pola conseyería y polos órganos encargaos d'executalu. Van realizar verificaciones sistemátiques d'una forma continua pa que l'actividá económica financiera del sector públicu s'adecúe a los principios de llegalidá, eficiencia y eficacia per mediu de l'aplicación de procedimientos de revisión selectivos. El Plan añal inclúi'l conxuntu de les actividaes de control financieru a desarrollar pola Intervención Xeneral que se faigan al traviés d'auditoríes en función de los oxetivos que se marcaren, y ta integráu pol Plan añal de control financieru permanente y el Plan añal d'auditoríes.
 
L’Alministración ye l’oxetivu principal d’esti Plan d’Auditoríes, anque tamién va controlar a empreses, entidaes y particulares o los sos organismos autónomos que, por razón de les subvenciones, creitos, avales y otres ayudes, recibieren fondos del Gobiernu.