La piscina municipal de Samartín incorpora rotulación billingüe

El Conceyu de Samartín del Rei Aurelio incorporó la llingua asturiana a la rotulación informativa de la piscina municipal, asitiada en Sotrondio. En total son 30 cartelos nuevos nel que l’idioma del país convive col castellanu.

Asina, la piscina súmase a otres instalaciones municipales que cuenten con rotulación billingüe como la Casa Conceyu o los polideportivos de Blimea y L’Entregu. Nel casu de l’alberca climatizada podemos atopar cartelos informativos col testu ‘Vestuariu masculín’, ‘Vestuariu femenín’, ‘Homes’, ‘Muyeres’ o ‘Ximnasiu’, hasta sumar 30 “colos que la llingua consigue facese güecu y tener presencia nún de los ámbitos que más pue contribuyir a la so normalización”, espliquen dende’l Conceyu.

Esta midida entamada pol ayuntamientu del valle del Nalón fíxose al traviés de la Oficina de Normalización Llingüística y contó con una subvención de la Conseyería d’Educación, Cultural y Deporte.