El taller 'Bailla'l cuentu' aporta a La Carriona
![Taller 'Bailla'l cuentu' Taller 'Bailla'l cuentu'](https://asturies.com/sites/default/files/taller_baillal_cuentu.jpg)
Rosa Cuervo, d'Aladanza Educación y Tradición, pon música a cuentos nesta actividá que se va entamar tamién en La Xungarosa. La Estaya de la Llingua d'Avilés entama esta actividá de baldre con places llendaes.
Depués de pasar pela Biblioteca de Los Canapés, el taller 'Bailla'l cuentu' aporta esta tarde a la de La Carriona. Destináu a neñes y neños d'ente 5 y 12 años, va principiar a les 19 hores, cola necesidá d'acutar previamente plaza na propia instalación municipal, al traviés de WhatsApp (634.821.613) o del corréu electrónicu estayallingua@aviles.es.
La Estaya de la Llingua d'Avilés entama esta actividá d'hora y media de llargor na que Cuervo trabaya cola reciella pa poner música y ritmu a dellos cuentos infantiles. La próxima oportunidá pa participar nesti taller presencial va ser en La Xungarosa'l día 26.