El Veranu Lliterariu axunta a un añu más en Corvera a los llectores más mozos colos sos autores favoritos
![María Esther García López nel Veranu Lliterariu 2021 María Esther García López nel Veranu Lliterariu 2021](https://asturies.com/sites/default/files/maria_esther_garcia_lopez_nel_veranu_lliterariu_2021.jpg)
La Casa de la Llingua del Conceyu de Corvera tien en marcha la novena edición de Veranu Lliterariu, el programa de promoción de la llectura n’asturianu ente los más mozos con sede nel Centru Sociocultural de Les Vegues. Los llunes de xunetu y agostu un escritor acude al conceyu pa celebrar un alcuentru colos sos pequeños siguidores y aldericar sobre una de les sos obres.
Berto García, con ‘Cuadros con munchu cuentu’; Daniel García Granda, con ‘Amorina motosierra’; y María Esther García López, que tuvo una cita cola audiencia cola ayuda d’una marioneta, foron los primeros d’esta edición, a los que va siguir esti llunes Xurde Fernández, que va falar de les histories de los sos personaxes Ariel y Berta. Inaciu Galán y Vero Suari, el 2 d’agostu con ‘La curuxa Catuxa’; Susana Sela y Maitetxu Isla, con ‘¡Bum!’ el 9; y Aurelio G. Ovies, con ‘Versonaxes’ el 23, completen el Veranu Lliterariu 2021 de Covera.
Tolos alcuentros tienen una hora de llargor, de 11.30 a 12.30 hores, con entrada llibre. L’actividá, pionera n’Asturies, busca averar a la llectura de lliteratura n’asturianu a les neñes y neños, dando-yos la oportunidá de conocer a los autores y caltener un alcuentru provechosu pa les dos partes.
Na semeya, García López nun momentu de la so participación.