Xosefa de Xovellanos

Nome: 'Xosefa de Xovellanos’

Autor: Vicente García Oliva

Ilustradora: Ilemi Cuesta Mier

Editorial: Pintar-Pintar

ISBN: 978-84-121182-5-4

Esti llibru abre un proyeutu de Pintar-Pintar pa dar a conocer biografíes de muyeres. La primera ye Xosefa de Xovellanos, ñacida en Xixón va cuasi trés sieglos, qu’entovía permanez a la solombra del so hermanu Gaspar Melchor.

La obra ye un reconocimientu al llabor d’esta muyer nuna época na que’l so xéneru yerá apartáu, de miente sistemática, de la vida académica o cultural; una breve biografía, fecha con procuru y enllena de sentíu del humor, que tamién fai pensar nos estereotipos qu’entá queden por valtar. Una oportunidá, en suma, pa que la reciella s’avere a Xosefa y la so obra.