El ratu roller

El RATU ROLLER (DAVID VARELA CON POP PIQUIÑIN)
(Música y lletra: David Varela)

David Varela: voz y acordión diatónicu.
Pop Piquiñín (Mar Álvarez, Cova de Silva, Lara González y Pedro Vigil): batería, baxu, guitarra llétrica, pianu, hammond y coros.

Lletres.

Nun requexu del molín
atopé un mur col calzón coloráu
que ximielga'l rau,
cuando ve rodar la muela del molín
queda alucináu…

Ye'l ratu roller, mure roller,
col calzón coloráu, que ximielga’l rau…
ye'l ratu roller, mure roller.

Él esguila per un furaquín
d'embaxo'l frayón pel qu'entra xustín,
y al llegar al bulse
enfila escentelláu y rueda encolingáu

enriba'l so patín.

Ye'l ratu roller, mure roller,
enfila escentelláu, enriba'l so patín…
ye'l ratu roller, mure roller.

Nunca vi tantu remangu
nin tanta habilidá a esa velocidá,
si enfila un entorgu
blinca un fargatáu, rodando col patín
ye un mur bien apañáu.

Ye’l ratu roller, mure roller,
rodando col patín, ye un mur bien apañáu…
ye’l ratu roller, mure roller.

Blinca dende la moxeca,
paez un xabalín fozando nun tapín
y si apaez un gatu un tanto afamiáu
cola pel barandal
y mosquiaes paventáu.

Ye'l ratu roller, mure roller,
paez un xabalín fozando nun tapín…
ye'l ratu roller, mure roller.

Y pue ser que venga un poco farfayón
zapique col patín y entorne escontra'l barrón.

Ye'l ratu roller, mure roller…