Descubrimientu d'América

10 Xunetu, 2015
Asturies.com

Nel sieglu XV, los homes occidentales tovía pensaben que la Tierra yera plana. La idea que teníen yera que más allá de los mares habría un borde. Por eso, cuando Cristóbal Colón plantegó a los Reis Católicos llegar a les Indies navegando hacia l’oeste munchos consideráronlu como un chifláu. Sicasí, lo cierto ye qu’enantes de Colón otros munches persones yá afirmaren que la Tierra yera redonda.

El navegante, del que nun se conoz el so llugar de nacencia, consiguió convencer a Isabel y Fernando pola posibilidá d’acortar el viaxe hacia les Indies percorriendo la so ruta, lo que supondría un beneficiu pa la Corona de Castilla y Aragón. D’esta forma, punxeron a la so disposición trés naves, ‘La Pinta’, ‘La Niña’ y ‘La Santa María’, que salieron del Puerto de Palos nel 1492, en concreto’l 3 d’agostu. Nel viaxe, Colón tendría’l sofitu de los hermanos Pinzón, Martín Alonso y Vicente Yáñez, capitanes de ‘La Pinta’ y ‘La Niña’, de manera respeutiva.

Retratu de Cristóbal Colón

¿Sabíes qué…? Colón confiaba en que la distancia ente la Península Ibérica y Xapón yera d’ente 3.000 y 5.000 quilómetros. En realidá ésta ye de 19.000 quilómetros, con América ente dambos a 6.000 quilómetros.

Tres facer una escala en Canarias pa garrar provisiones, les trés chalanes nun veríen tierra hasta’l 14 d’ochobre del 1492, xusto nun momentu nel que la tripulación empezaba a perder la paciencia poles condiciones nes que s’alcontraben, cola comida yá podre. Rodrigo de Triana, marineru de ‘La Pinta’, vio de lloñe les costes ye Guanahani, isla güei nomada Watling Island (Bahamas), que Colón bautizó como ‘San Salvador’.

Tres baxar a tierra, los espedicionarios tuvieron el so primer contauto colos nativos, sorprendíos pola llegada d’homes blancos a les sos costes. Darréu, Colón empezó a esplorar tola zona del Caribe, cola idea tovía de que taba nes costes orientales de les Indies.

Pintura de la llegada a América

¿Sabíes qué…? Les primeres rellaciones colos indíxenes foron pacifiques. Los espedicionarios referíense a ellos como indios y, anque nun lo yeren, esa denominación afitóse nel tiempu pa tolos americanos nativos. ¿Nun te suena de les películes de vaqueros?

El 15 de xineru del 1493, Colón anició la navegación hacia la Península Ibérica na chalana ‘La Niña’ –xunto con ‘La Pinta’– dende La Española, l’actual isla onde ta asentada Haití y la República Dominicana. Na tripulación llevaba diez indios y oxetos recoyíos pa demostrar a los Reis Católicos que’l so viaxe llegó a bon puertu.

Un temporal obligó a les dos carabeles tomar destinos diferentes al altor de les isles Azores. ‘La Niña’ atracó’l 15 de marzu en Palos, tres facer paraes nes propies Azores y en Lisboa, y Colón dirixóse hasta Badalona pa ver a Isabel y Fernando, que recibieron con allegría les noticies del marineru. El navegante tornaría a la mar el 24 de setiembre col oxetivu d’asentar la presencia de la corona nos territorios descubiertos, viaxe a los que siguiría otros dos más con Colón al frente. Sería l’aniciu del colonización del restu del continente americanu.