‘Valentín y el monte d’azucre’

Nome: ‘Valentín y el monte d’azucre’

Autor: Alfonso López Alfonso

Ilustraciones: Claudia González Lobo

Editorial: Impronta, 2014

Al protagonista d’esti cuentu encanta-y escuchar histories, pero presta-y más contales. Pa convencer a la madre de que les coses que siempre anda inventando discúrreles él solu, escribe’l cuentu de ‘Valentín y el monte d’azucre’. “Cerca de casa de los mios güelos hai un monte que tengo muncha gana de xubilu. Ye tan blancu que delles veces abúltame que ta fechu d’azucre…”.

Primer llibru n’asturianu y tamién primer llibru de lliteratura infantil d’Alfonso López Alfonso, que contó cola gran collaboración del so fíu Ernesto, que contaba con 7 años cuando escribió la historia. “Suyu ye’l rellatu de Valentín al que yo namái tuvi que poner cuatro trazos de vida cotidiana”, apunta l’escritor de Moncóu, que tamién empondera’l llabor de Claudia González Lobo na ilustración del llibru. “Nél pasa tanto más la imaxe como la pallabra”, asegura.