El cuerpu humanu
El cuerpu humanu ye la estructura física y material del ser humanu. El so componente principal ye l’agua, indispensable para la vida, y ta compuestu pola la cabeza, el troncu, les estremidaes superiores (brazu) y les inferiores (piernes).
Cubiertu por piel y sosteníu pol esqueletu –compuestu por 206 güesos na etapa adulta– pue muevese gracies a los músculos –xuníos a los güesos mediante los tendones– y caltién la vida gracies al funcionamientu de los órganos qu’hai nel so interior.
![El Home de Vitruvio, dibuxu de Leonardo da Vinci El Home de Vitruvio, dibuxu de Leonardo da Vinci](http://asturies.com/sites/default/files/cuerpu_humanu_01.jpg)
¿Sabíes qué…? El 75 por cientu del cuerpu humanu ye agua. Un home y una muyer pue tar selmanes ensin comer, pero ensin beber nun aguantaría vivu más de cinco o seis díes.
El muérganu principal del cuerpu humanu ye’l corazón, yá que la so función ye impulsar la sangre per tol organismu. Tamién son fundamentales los pulmones, yá que reciben l’aire col que llega l’oxígenu a la sangre.
Pero l’órganu más complexu y básicu pa la vida ye’l cerebru, que controla al restu de muérganos del cuerpu humanu. Ta asitiáu na cabeza, cerca de los órganos de los sentidos: el gustu, la vista, l’oyíu, l’olfatu y el tactu.
![Esqueletu humanu Esqueletu humanu](http://asturies.com/sites/default/files/cuerpu_humanu_02.jpg)
¿Sabíes qué…? El mitu de que los humanos utilizamos namái’l 10 por cientu de la capacidá del nuesu cerebru ye falsu. Los neurólogos, persones qu’estudien el sistema nerviosu, afirmen qu’usamos práuticamente el 100 por cien pa cualquier actividá.
Un aparatu ye un grupo d’órganos que desempeñen una función común. El cuerpu humanu cuenta seis: el dixestivu, l’urinariu, el reproductor, el respiratoriu, el llocomotor y el circulatoriu.
- ¿Qué diferencies hai ente’l cuerpu d’un home y el d’una muyer?
- ¿Per ónde circula la sangre?
- ¿Cuál ye’l güesu más llargu?
- ¿Qué función tien la columna vertebral?
¿A qué aparatu pertenecen?
Pulmones
Vaxina
Sangre
Reñones
Estómagu
Músculos
respiratoriu
reproductor
circulatoriu
urinariu
dixestivu
llocomotor