Ríos y llagos
Un ríu ye una corriente grande d’agua dulce que va per un calce y normalmente va a dar n’otru riu o na mar. Si da n’otru ríu llámase afluentes. Los ríos ñacen nos montes, onde l’agua de la lluvia y la ñeve va cayendo pela pendiente hasta zones más llanes.
Mentes, un llagu ye una cantidá grande d’agua, con una estensión considerable, estancada por depresiones del terrén. Munches vegaes, por ser tan grandes, pueden confundise con un mar, pero nun se consideren como tal al nun tener salida. La gran mayor parte d’ellos son d’agua dulce.
Mar Caspiu
Nel mundu hai milenta ríos, anque’l más conocíu quiciabes sía l’Amazonas, el más llargu con más de 7.000 quilómetros de llargor, y tamién el más caudalosu. Otros ríos que de xuru te suenen son el Nilo, el Mississippi, el Volga, el Rin o l’Ebro. N’Asturies, los más famosos son l’Eo, el Navia, el Narcea, el Nalón, el Seya y el Deva.
Ensin contar al mar Caspiu, el llagu más estensu del mundu ye’l Superior, ún de los grandes llagos de Norteamérica que fai frontera ente Estaos Xuníos y Canadá, con una estensión de 82.000 metros cuadraos. Más conocíos qu’ésti son el Victoria, el Tanganica y el Titicaca, los dos primeros n’África y l’últimu en Sudamérica. De los presentes na nuesa xeografía los más populares son l’Enol y L’Ercina, que reciben el nome de Llagos de Cuadonga o Llagos d’Enol, anque’l más grande ta en Somiedu, el de Valle.
Ríu Nilo
-
¿Qué animales atopamos nos ríos y llagos asturianos?
-
¿Cuál ye’l ríu más llargu d’Asturies?
-
¿Podríes nomar ríos asturianos que cuenten con banzaos?
-
¿Ónde ta l’Amazonas?
-
¿Y el mar Muertu?