Xixón acueye la esposición del álbum "Deva y yo"
El Centru de Cultura Antiguu Institutu acoyerá a partir del próximu llunes 12 de setiembre la esposición dedicada al álbum ilustráu "Deva y yo" del que ye autor Vicente García Oliva ya ilustradora Belén García Montoya "Begmont".
La inaguración de la citada esposición vien a inxertase dientro de les actividaes previstes dientro del alcuentru lliterariu "L'Arribada" que va desarrollase en Xixón ente los díes 9 y 23 de setiembre y nel que la Lliteratura Infantil y Xuvenil toma esti añu especial protagonismu.
La esposición, que podrá visitase na sala 3 del CCAI hasta'l 30 de setiembre, cuenta cola collaboración de la Oficina Municipal de la Llingua de Xixón, asina como de la propia editorial del álbum Pintar-Pintar.