‘Un oso fastidioso’ déxase ver per A Caridá
El Complexo Cultural As Quintas va acoyer la presentación n’A Caridá de ‘Un oso fastidioso’, llibru en galllego-asturiano. Ye la primera nel occidente d’Asturies d’esta obra de Víctor Raúl Pintado 'Vitu' con ilustraciones d'Alberto Álvarez Peña que tamién tien versión n’asturianu.
Xela y Lluques son los protagonistes de la historia. Al so maestru presten-y enforma les mazcaraes d’iviernu y enseña a los sos escolinos estes tradiciones con tantu raigañu n’Asturies, nel que dellos personaxes antroxaos, ente ellos l’osu en munches d’elles, salen a pidir l’aguilandu.
‘Un oso fastidioso’, la versión en gallego-asturiano de 'Un osu perfadiosu', va dase a conocer per primera vegada nel Eo-Navia n’A Caridá. L’actu va tener llugar esta tarde, a les 20 hores, nel Complexo Cultural As Quintas.
