Trabe presenta "Les puertes del paraísu" y "Mansín"

Ediciones Trabe presenta esta selmana dos de los títulos de Lliteratura Infantil y Xuvenil más esperaos, "Mansín" la verdadera historia del gallu montés de Tarna, y "Les puertes del paraísu" ganador del premiu MªJosefa Canellada del pasáu añu.

La primera de les presentaciones va tener llugar nel Centru de Cultura Antiguu Institutu a les 19.30 hores, y nella van participar la propia autora de "Mansín", Carla Menéndez Fernández; l'académicu Xosé Antón González Riaño y la responsable d'Ediciones Trabe, Esther Prieto.
D'otra miente la llibrería La Pilarica de Mieres del Camín acoyerá la presentación del llibru "Les puertes del paraísu" del que ye autor Ismael MªGonzález Arias. "Les puertes del paraísu" foi la obra ganadora del Premiu de Lliteratura Infantil y Xuvenil MªJosefa Canellada que convoca la Conseyería de Cultura de dos años p'acá. Nesti casu l'autor va tar acompañáu pol responsable de la Biblioteca de Mieres, Jesús Fernández Álvarez, qu'exercerá de presentador. L'actu va tener llugar esti vienres 15 d'ochobre a les 19.30 hores.